Home Policial De Witte Ta Bay Cu Tur Experiencia Acumula Na Aruba

De Witte Ta Bay Cu Tur Experiencia Acumula Na Aruba

0
0
SHARE
- Advertisement -

ORANJESTAD.(AAN); Ta un lastima cu Peter de Witte ta bandona cuerpo policial como hefe maximo.

Peter de Witte ta bay ocupa puesto como alto comisario na Sint Maarten den su constelacion nobo.

Pero tambe ta un lastima cu Peter de Witte ta bay cu tur experiencia durante cu e ta ocupa e puesto di alto comisario di cuerpo policial di Aruba.

Delaster un conferencia cu a wordo organisa den exterior el a participa, cada rato el a viaha pa atende otro evento na beneficio  di cuerpo policial.

Awor e ta bay cu tur e contactonan y experiencia cu el a acumula pa pone esaki den practica na Sint Maarten.

Gobierno anterior tur e tempo ey no a percura tambe el a wordo acompaña pa sikiera un comisario cu posiblemente lo por reemplase den futuro cercano.

Pa e futuro comisario tambe lo por a percura pa e contactonan internacional y personal. Un funcion asina como alto comisario,  contacto cu ehecutivonan riba tereno policial ta di  suma importancia.

Pa entre otro ayudo tecnico, lectura  y otro facilidadnan cu por yuda amplia experiencia riba tur frontera locual ta entre otro investigacion, tecnologia .

E alto comisario nobo cu lo wordo apunta lo no tin un tarea facil, e lo tin di deal cu basta problema interno den e cuerpo.

Mientras tin basta caso cu te ainda no a wak luz di dia cual mester di atencion debido. Casonan asina yama “cold case” tambe ta den tapara pa hopi aña sin a wordo soluciona entre otro caso Latham, Natalee, Dichi Tromp, Vicente Tromp, Martinez , 50 mil, arma desaparece den Post kantoor, IASA, dos rifle di alto potencia cu a cria pia, asina por sigui menciona e lista ta basta largo. Por cierto casonan di hit and run cu consecuencia morto tambe tin cu no a soluciona.

No por keda basa nos mes cu falta personal, upgrade bo personal.

E asunto di overtime tambe lo a hunga un rol importante cu por tabata un opcion pa a logra soluciona diferente caso.

 E falta di liderazgo den cuerpo y esun cu lo bay tuma rienda tin basta trabao pa hasi di soluciona entre otro e casonan pendiente y e tantisimo atraco, ladronicia cu ta azota comunidad di Aruba.

- Advertisement -

DUNA COMENTARIO

Please enter your comment!
Please enter your name here