Home General Dos avion grandi cu problema na Curacao

Dos avion grandi cu problema na Curacao

1
0
SHARE
- Advertisement -

ORANJESTAD (AAN): Informe di Curacao, ta mustra cu ta parce comosifuera tabatin un mal aire na aeropuerto di Hato riba Diadomingo. Ademas di un avion di Avianca cu a haye cu candela na un motor, tabatin e situacion di un avion di KLM cu no por a lanta pa motibo di problema cu un fuelpump. Un avion di aerolinea Avianca obligatoriamente mester a keda tera Diadomingo anochi despues cu a surgi un candela na su motor. E candela a cuminza djis despues cu e avion a caba di baha na Hato.
Personal di cabina mes a logra domina e candela. Oficialnan di Cuerpo di bombero di aeropuerto a presenta mesora, a caba paga e candela. No ta conoci kico a causa e candela.

Manera cu no tabata basta, un avion di KLM tambe a confronta problema Diadomingo na Hato. Despues cu e vuelo di KLM cu destino Amsterdam, a subi pista caba pa bay lanta, e capitan a detecta un problema cu a pone cu e avion a keda para sigur un ora riba e ‘taxiway’ sin por a move.
DIARIO a haya sa, cu un problema e fuelpump tabata causa di interupcion di e vuelo.

Te anochi lat ainda tecniconan di KLM tabata trahando pa wak si nan por remedia e fayo ya asina e vuelo por a sigui su rumbo.

- Advertisement -

DUNA COMENTARIO

Please enter your comment!
Please enter your name here