Home Politica Gobierno tabata tin sosten di 13 miembro di Parlamento cu a vota...

Gobierno tabata tin sosten di 13 miembro di Parlamento cu a vota na fabor di e Settlement Agreement

1
0
SHARE
- Advertisement -

avpmikedemeza1Minister de Meza satisfecho:
ORANJESTAD (AAN): Hopi satisfecho e mandatario di finanzas Mike de Meza tabata cu e resultado di e reunion. E tabata un debate duro pero na mes momento gobierno tabata tin sosten di 13 miembro di parlamento cu a mira e importancia na duna aprobacion na e settlement agreement. Ta un trabao di basta luna pa purba drecha e relaciona cu Valero, segun e mandatario. E discusionnan tabata hopi positivo y interesante, a señala y e ta sigur cu hopi hende den pueblo a scucha e debatenan.
E siguiente paso ta pa keda den contacto cu Valero. A indica cu Valero ta sintando na mesa cu diferente posible partnernan y nan ta informa gobierno di esaki constantemente.

E dianan aki ta bay bira hopi interesante pasobra cierto decisionnan lo mester wordo tuma door di Valero y gobierno ta wardando riba esaki pa mira den ki direccion ta bayendo, a bisa.

Locual por a haci a ser haci, a expresa. Ta dificil pa influencia e mercado mundial global, pero e partinan caminda si por a haci algo a haci nan y a kita tur e desacuerdonan for di mesa y yega na un settlement riba tur cos.

Cu esaki a crea e posibilidad aworaki pa un bon relacion pa asina purba crea bek e cuponan di trabao cu a bay perdi, a bisa.

Durante entrevista a puntra minister Mike de Meza mesora pa splica ki ora e suma di 210 miyon lo bin den caha di gobierno na momento cu e ley keda concretiza.

El a señala cu awor nan a pasa e leynan den concepto na Parlamento Tur cos lo cana su caminda via gobernador y e minister concerni mester firma esey pa e ley bira oficial. Ora e ley bira oficial dentro di tres dia Valero ta haci pago di e 210 miyon florin.

Un aspecto importante, a splica tabata pa trece bek e cuponan di trabao cu ta entre 5 cu 7 mil y cu ta pone mas cu 600 miyon florin den nos economia.

Di mes e 210 miyon ta yuda gobierno cu su problema di likidez. A subraya cu e situacion ta hopi dificil pero gobierno tin diferente plan cu nan ta bay drecha e situacion aki.

Algo cu a hala atencion ta e ausencia di esnan di servicio di impuesto durante e reunion pa trata e settlement agreement. Gobierno a bin cu su mesun conseheronan y a laga afor esnan cu ta traha directamente cu e departamento di impuesto.

Algun luna pasa despues cu e cobranza di impuesto a sali pa Valero sin aprobacion di gobierno parce a daña e relacion entre e departamento di impuesto y gobierno. Asina mes minister Mike de Meza a haya cu no tabata necesario pa esnan di servicio di impuesto tey pasobra nan tabata caba hunto cu gobierno for di momento cu a prepara e concepto di ley pa e settlement agreement.

Finalmente minister Mike de Meza a confirma cu e conseheronan di nan buro mes a handle tur cos sin cu tabata tin mester esnan di servicio di impuesto. Nan hunto a pasa den e proceso aki prome caba y tur cos tabata cla. Si tabata necesario nan experticio lo a yama nan segun minister Mike de Meza.

- Advertisement -

DUNA COMENTARIO

Please enter your comment!
Please enter your name here