Home General Holoshi Ta Canando Hopi Liger Den Fcca

Holoshi Ta Canando Hopi Liger Den Fcca

0
1
SHARE
- Advertisement -

Hunta di supervision ta tur spanta:

ORANJESTAD(AAN):– Den seno di FCCA tin masha preocupacion pa e ultimo desaroyonan rond di e idea di Gobierno pa cuminsa cu un fondo nobo, si acaso e hunta di supervision apunta pa Minister Marisol Tromp no tuma nan retiro.

Algun empleado den fin di siman a vocifera nan disgusto pa e forma con e gerencia ta para tras di e hunta di supervision cu ta para riba cu nan no ta baha.

Mayoria di nan no tin ningun sorto di experiencia den e industria aki y ta djis eyden pa e placa cu nan ta haya pa luna.

Ta casi 100 trahador cu awor nan trabou ta na peliger djis pa 3 marioneta politico.

E empleadonan awor ta cla pa manda un mensahe cla pa nan sindicato FTA pa di nan banda tambe e sindicato manda un mensahe pa e hunta di supervision.

Si acaso e directiva di FCCA no baha, por spera cu e empleadonan lo lanta e presion internamente. Mester bisa cu e trahadornan ta masha disgusta pa e forma con cosnan a bay, specialmente pa e hecho cu Minister Marisol Tromp a kere sigur cu e lo kier keda na poder mientras AVP ta na mando.

Parse cu fin di siman pasa por lo menos un di e instancianan financiero a expresa preocupacion y a laga sa cu si Gobierno no ta sostene FCCA mas, anto nan lo cancela tur fianza na e instituto.

Pues, tanto cu e directiva ta boga cu banconan tin confianza den nan, ta parse toch cu banconan no kier sigui den un relacion sin gobierno.

Trahadornan a conta por lo menos un di e miembronan di directiva di FCCA ta bibando na Hulanda y cu tur luna FCCA mester paga pasashi “First Class” pa e bin reunion na Aruba.

Asina “Friends & Family” a opera den e ultimo añanan y nos no ta sigur cu e banconan tabata na altura di esaki.

Awor ta ora pa FCCA pasa dor di un restructuracion di su directiva y gerencia, pa motibo cu obviamente e rumbo di e fundacion ta den discusion awor.

Ta obvio cu a haci e fundacion uno politico y awor cu bientonan politico a cambia drasticamente di direccion, awor diripiente kier cambia e statutonan di e fundacion pa sigura cu AVP no por sigui maneha esaki for di un punto di bista politico.

Asina mes, e rosea di e clientenan y awor di e empleadonan ta subiendo, pues poco-poco e miembronan di e hunta di supervision ta hayando e mensahe cu ta ora pa “baha na awa”.

- Advertisement -

1 COMMENT

  1. Arubianonan,habri wowo,sea alerta,pueblo ta cansa di tur e prolemanan,cu a ser causa pa 8 anja largo.
    Awor pueblo a scohe pa cambio,y asina na FCCA
    tambe mester bin cambio,laga biento fresco pasa den e vivienda di FCCA,pone hendenan nobo,y capsita
    pa hasi e trabao manera debe ser,y transparentemente,nos Aruba ta democracia,y no dictadura di poco hende cu ta kere cu nan ta donjo di Aruba.Nos gobernantenan por fabor pone orde. Masha danki Diario.

    mente,

DUNA COMENTARIO

Please enter your comment!
Please enter your name here