Home Policial Homber a purba na stik un dama door di choke y stik...

Homber a purba na stik un dama door di choke y stik e cu clechi

1
0
SHARE
- Advertisement -

PolicialCaso serio na Montaña!
ORANJESTAD (AAN): Tabata den fin di siman, cu un unidad di Polis di Noord a worde dirigi door di Central di polis na un residencia na Montaña. Esey debi cu segun e prome informe a surgi problema entre pareha. Tabata diasabra atardi alrededor di 5’or cu e yamada a drenta na central di polis cu ta solicita presencia di autoridad. E unidad a presenta mientras tanto y polis a papia cu e homber di inicialnan J.J.O. di 34 aña di edad. Segun e homber su version, el a haya problema cu su señora, pero ta tur cos a drecha, y cu tur cos “ta tranquil y calmo”.
Trankil y calmo? Sinembargo Polis a bisa e homber cu nan ta desea di papia cu e señora pa averigua un que otro si berdaderamente tur cos ta bon. E homber a draai bisa polis, cu su “señora a bay drumi”.
Polis a reacciona y a bisa e homber pa e bay lante for di soño pa asina nan papia cune! Polis a insisti esey, ya nan ta sinti “pa algo sera” e homber no kier pa e señora lo tin contacto cu agentenan.
E homber a bisa polis pa warda un rato y na un dado momento J.O. a dal porta sera pa evita polis por wak paden. Polis a dicidi di habri e porta y ta haya e homber ta sacudi e señora riba cama. E señora a resulta di ta benta eynan, for di tino, y no ta reacciona.
Polis tambe a trata di lanta e señora pero keto bay e no ta reacciona.
Mientras tanto Polis a pasa man pa Tetra Radio, y cu urgencia a pidi pa un ambulans na e adres.
Un rato despues e señora di inicialnan I.R.R. naci na Venezuela di 28 aña a regresa na su tino. For di su declaracion por a saca afor cu e homber a choke bente riba cama despues subi riba dje y choke cu klechi cama y consecuentemente el a perde rosea y bay for di tino!
Esaki ta algo serio, y a base di e informe suministra, polis a detene J.O. mesora! Alavez agentenan a recomenda e victima bay mesora na despacho di Recherche pa entrega keho.
No tabata tin mas informe adicional si e muher Venezolano a entrega keho contra di e homber J.O. pa intento di asesinato.

- Advertisement -

DUNA COMENTARIO

Please enter your comment!
Please enter your name here