Home Policial Homber hinca mata ayera na Sabana Basora.

Homber hinca mata ayera na Sabana Basora.

8
0
SHARE
- Advertisement -

“Satanas” deteni un rato despues na Mondi Fierno 

frontORANJESTAD.(AAN); Ayera merdia a drenta informe na central di polis, cu na un altura di un cas na Sabana Basora tin pelea tumando lugar.

Posiblemente lo tin un of mas persona cu a wordo maltrata y hinca cu arma blanco. Diferente patruya di polis a wordo instrui pa bay mesora na e sitio mientras a notifica centro di alarma pa ambulans tambe bay na e direccion.

E prome unidad cu a presenta a reporta cu tin mester cu urgencia presencia di ambulans y tambe lo demas autoridad. 

Lo ta trata di caso serio ya cu e victima yama Emengildo a wordo hinca malamente cu un obheto blanco y e ta sangrando.

Mientras tanto ambulans a presenta y a trata di stabiliza e victima mesora ya cu su heridanan ta sangra.

Y casi e victima ta bayendo den coma di tanto sanger cu e ta perdiendo.

Informe cu polis a logra di compila ta indica cu e sospechosonan a logra move for di e sitio despues di a maltrata e victima cu ta e mucha homber Emengildo Antonio Thode , naci na Santiago Republica Dominicana 18 di September 1981 y e ta biba na Sabana Basora Noord 107 .

Cu urgencia ambulans a transporta e victima pa Dr. Horacio Oduber Hospital y cu speranza pa salba ainda su bida, e maltrato ya cu e hinca fuera perdida di sanger lo por causa tambe su morto.

Pero lamentablemente esfuerzo di tanto paramedico y pa e personal di poli tabata envano, dokter de Cuba a constata morto di  Emengildo Thode.

Fiscal a laga confisca e curpa pa autopsia determina causa di su morto tragico.

Segun informe pa un motibo cual ta bao di investigacion dos homber lo a bringa cu Emengildo, y e ultimo aki a purbra di defende su curpa pero el a wordo agredi pa e dos atacantenan y na un momento dado un di hombernan lo a propina e dominicano hinca den pecho.

No ta conoci cu tabata na momento e victima tabata riba su pia of na suela cu el a wordo hinca pa e atacantenan durante e pelea.

E tal “Satanas”, e homber Reinaldo Jones cu tambe ta biba na Sabana Basora ta e prome sospechoso cu autoridad a detene na Mondi Fierno pa sospecho di e asesinato, mientras e otro sospechoso, e mucha homber Steven van der linden cu tambe ta biba na Sabana Basora Noord mas despues lo a wordo deteni pa e tambe responde pa su actonan.

Ta ayera, dialuna mainta, Satanas a haya su libertad despues di tabata cera.

Segun otro dato ricibi, e victima lo tabata arma cu cuchio y e sospechosonan tabata tin tambe bate y cuchio den nan poder.

Na hospital , dilanti polis tabata tin un situacion di lamento grandi ayera tardi ora cu familiarnan di e victima a yega y constata cu el a fayece caba. E situacion casi a sali for di man na poli te cu mester a cera porta pa ningun hende drenta ni sali. Ta via porta di patras mester a laga hendenan sali despues.

DIARIO ta extende palabranan di condolencia na famia di e fayecido.

- Advertisement -

DUNA COMENTARIO

Please enter your comment!
Please enter your name here