Home Hudicial Huez A Tene Hopi Cuenta Cu Circunstancianan Personal Di Yiu Di Ex...

Huez A Tene Hopi Cuenta Cu Circunstancianan Personal Di Yiu Di Ex Minister Ramon Lee

1
0
SHARE
- Advertisement -

ORANJESTAD(AAN): Diahuebs mainta huez a trata un caso contra T. Lee, kende ta yiu di ex Minister Ramon Lee.

T. Lee a wordo acusa di posesion di arma di candela y municion entre prome di Mei 2009 y 18 di Januari 2010.

Remarcable den e caso aki ta cu e acusado a haya como castigo solamente un multa di 2500 florin, siendo cu for di algun aña caba e maneho di Ministerio Publico ta cu posesion di arma di candela ta dunabo un castigo minimo di 12 luna.

Den e caso aki ta asina cu 10 dia despues cu Lee a wordo deteni, Huez Comisario a permitie pa bay cas, debi na e hecho cu su pareha a duna luz na un morocho.

Durante tratamento di e caso su abogado a pidi huez pa tene cuenta cu su circunstancianan personal hopi dificil.

Entre otro e hecho cu su pareha tabata malo di salud, e hecho cu e pareha awor tin 4 yiu pa cria, mientras cu ta hopi necesario pa Lee traha pa yuda cria e famia grandi aki.

Lee a tuma caba un luna di vakantie, pa e por ta na cas pa yuda su pareha cu cuido di e 4 muchanan.

Huez na final pues a tene cuenta tur e circunstancianan, ora el a dicidi di duna Lee solamente un multa di 2500 florin, en vez di e 8 lunanan incondicional exigi pa Fiscal.

- Advertisement -

DUNA COMENTARIO

Please enter your comment!
Please enter your name here