Home Hudicial Huez Su Fuse A Bula Den Corte

Huez Su Fuse A Bula Den Corte

1
0
SHARE
- Advertisement -

Ora el a tende cu abogado no ta na aruba pa defende su cliente

ORANJESTAD(AAN): Diabierna Jayan A. Willems, Joshua E. Swietnam y Ryan A. Robert a presenta dilanti di huez pa tratamento di nan caso.

Nan a wordo acusa di ladronicia cu violencia di un of mas mata di marihuana y/of un television flat screen y/of otro pertenencianan di un persona riba 2 di October 2009.

E violencia tabata encera cu W., S. y R. a mustra un arma di candela y/of un bat di baseball y/of un machete na e persona y a bise e palabranan menazante: “Drumi abao!” y/of “Unda tur bo placa ta?”, a obliga e persona pa drenta su cas, a pone pia den su lomba, a punta arma riba su cabez y a mara su mannan. 

Tambe nan ta wordo acusa di, pa preparacion di un crimen riba cual tin un castigo di mas cu ocho aña, tabatin intencionalmente un rifle di aire y/of un auto den e periodo di prome di November 2009 te 6 di November 2009.

Nan ta wordo acusa alavez di posesion di arma di candela riba 2 di October 2009, sin cu nan tabatin permiso pa esaki.

DIARIO y corte a ricibi e informacion cu e acusadonan Joshua Swietnam y Ryan Robert a bringa cu otro prome cu nan a wordo transporta pa edificio di corte di husticia.

Pesey ora nan a yega sala di corte, huez no a pone nan sinta banda di otro.

Huez a pone acusado Willems sinta mey mey di nan.

Net prome cu e caso mester a cuminza, huez su fuse a bula, ora cu el a ripara un notificacion cu ta bisa cu abogado di Robert a indica cu e no por tey pa tratamento di e caso, debi na e hecho cu e no tabata na Aruba.

Huez a rabia masha y a bisa cu e no por kere esaki, mirando cu ultimo biaha cu e caso a wordo posponi, e fecha di 7 di Mei a wordo poni pa tratamento di e caso y tur hende tabata na altura di esaki.

Huez a bay hasi algun yamada y ora el a bin bek el a bisa cu ta increibel pero enberdad e abogado no tey na Aruba pa atende cu e caso.

Huez a bisa cu e casonan di e tres sospechosonan no por wordo trata separa.

El a bisa cu aunque e kier a sigui cu tratamento di e caso e no por, pasobra e kier trata e caso cu tur tres sospechoso hunto.

Abogado di e dos otro sospechosonan tambe a bisa huez cu no por trata e caso aki separa, pues e caso a wordo posponi te cu Dialuna dia 5 di Juli.

Normalmente e tipo di casonan aki ta tuma lugar riba Diabierna, pero como cu e salanan ta yen di caso, huez a dicidi di pone e Dialuna menciona pa trata e caso.

- Advertisement -

DUNA COMENTARIO

Please enter your comment!
Please enter your name here