Jacques Thonissen Lo Presenta Su Obra Nobo
Buki nobo “Devah”
ORANJESTAD (AAN): Diabierna benidero tin presentacion di e buki ‘Devah’ na Biblioteca Nacional Aruba. ‘Devah’ ta e ultimo novela di e autor bon conoci na Aruba, Sr. Jacques Thönissen. E autor ta invita un y tur pa ta presente.
Devah: Un mucha homber cu a caba su estudio na un academia di arte ta topa cu un potret di un mucha muher riba un mercado di purga. E potret tin e firma di su tata. Ora cu e ta confronta su tata cu e potret aki su tata ta cay muri.
Pa haya sa e identidad di e mucha muher riba e potret e personahe principal ta cuminsa un buskeda cu ta hibe na diferente pais den Europa. Riba su biahe e ta haya guia y inspiracion di Sirene, un figura for di su mundo di soño. Un figura cu semper a compañe. ‘Devah’ ta un buki cu ta mescla di recuerdonan cu soño, y imagennan di soño ta hunga cu e realidad di e presente. E buki aki ta rebiba loke e genero Realismo Magico ta ensera pa esnan cu a lubida esaki.
Jacques Thönissen a bin biba na Aruba na cuminsamento di añanan sesenta. Despues di su carera den enseñansa (Docente Spaño, Director di Augustinus College na San Nicolas) el a dedica su mes completamente na skirbimento di buki cu a resulta te awor aki den tres novela Arubiano-Caribense: Tranen om de ara, Eilandzigeuner y De roep van de troepiaal. Desde 2000 e ta skirbi tambe bukinan pa mucha y hoben cu a worde traduci na Papiamento.
Ta invita tur hende pa bini biblioteca diabierna anochi pa 8’or.
Esmeralda
Great Masha Pabien cu e buki nobo et a semper un placer di lesa un buki di meneer Thonissen
Saludos na tur cu a judele Jolanda un abrazo segur
Esmeralda Schotman
NANNIE
DIOS SIGI JUDELE PA SKIRBI MAS BUKI