Home General Management Team Di Dopv Ta Ex Director Di Kia Y Ex...

Management Team Di Dopv Ta Ex Director Di Kia Y Ex Hefe Di Recherche

5
0
SHARE
- Advertisement -

ORANJESTAD(AAN): Den un entrevista Dialuna, a puntra Minister di Turismo y Transporte Otmar Oduber, riba e ultimo desaroyonan pa loke ta DOPV.

Segun e mandatario, for di basta tempo caba su ministerio ta reuni cu varios di e gruponan di interes pa loke ta trata e taxistanan, e autobusnan, e tour busnan y tambe cu Arubus, caminda cu por a tuma nota den e diferente reunionnan cu tin hopi critica riba e funcionamento di DOPV, pa loke ta trata e parti di eherce control como tambe pone ordo y sigui e reglanan cu ta na vigor.

Oduber a sigui bisa cu na diferente occasion el a combersa cu e director di DOPV pa wak con lo por mehora esaki.

El a bisa tambe cu na diferente occasion a bin diferente puntonan dilanti pa loke ta trata ehecucion di e tareanan di e departamento aki, cu lamentablemente no tabata wordo sigui den pasado door di e Minister anterior, caminda cu lo por tabata pone cu mester sigui exigencianan cu tin den ley.

Muy en particular mirando cu ta trata aki di reglamenta trafico di caminda, cu tin un responsabilidad hopi grandi pa loke ta trata e desaroyo di nos turismo ami na Aruba.

E Minister a bisa cu varios biaha el a trece dilanti cu si algo mester sosode den mundo di turismo na Aruba, e ta masha sensible mes y por ocasiona un daño irreparable na imagen di pais Aruba.

Un departamento manera DOPV tin un responsabilidad hopi grandi pa loke ta trata mantencion di reglanan y continuacion di leynan cu mester tuma lugar.

Oduber a duna un ehempel, unda cu el a bisa cu su  Gobierno a bin ta cambia hopi di e condicionnan pa loke ta e permisonan cu ta wordo duna.

El a bisa tambe cu na e momentonan aki su Ministerio a continua den e direccion aki, unda cu ta actuando contra e companianan cu ta cumpra auto den exterior cu a yega di ta envolvi den un accidente pisa, drecha nan y ta uza nan pa huur turista.

Segun e Minister, den futuro esaki lo no por sosode mas, pasobra si algo mester pasa cu e tipo di autonan aki cu ta wordo drecha, cu un turista den dje, e imagen di pais Aruba lo ta uno definitivamente den peliger.

Oduber a sigui bisa cu a base di e gran cantidad di critica y kehonan cu a bin dilanti el a combersa cu director di DOPV y a mustre riba e hecho cu Gobierno a tuma e decision cu pa 6 luna lo pone un ‘management team’ di dos persona den e departamento.

Ta trata di un persona cu tabata funciona como hefe di recherche señor Daniel Jacobs, conhuntamente cu ex director di KIA Gerald Keteldijk, kende tabata den e asina yama ‘overtolligheids poule’, despues cu incorectamente el a wordo manda cas pa Gobierno anterior.

E management team aki lo funciona na DOPV, ricibiendo tambe conseho di e director di DOPV kende lo fungi pues como un consehero di e grupo aki.

E intencion ta pa traha di nobo e rapport pa loke ta trata ‘Mobiliteit’ aki na Aruba.

Esaki mester wordo actualiza pues y a base di diferente decretonan ministerial cu a sali, caminda cu Gobierno a pone un moratorio riba gran parti di e permisonan cu ta wordo otorga pa trafico, caminda cu den e periodo di 6 luna e management team mester entrega un rapport completamente actualiza pa mira si e cantidad di taxi, e cantidad di auto cu ta wordo gehuurd, e cantidad di auto bus y tour bus nan cu a bira manera un fiesta di e Gobierno anterior pa loke ta trata e otorgamento di e tipo di permisonan aki, pa percura cu segun e demanda cu tin pa loke trata e cantidad di turista cu nos tin, si esaki ta wordo manteni, si ta bay cambia e condicionnan, e rekisitonan cu tin mara na e permisonan aki cu ta wordo duna.

Ta wordo pensa pa cuminza hasi un test di droga riba tur hende cu ta maneha autonan cu ta transporta publico.

- Advertisement -

DUNA COMENTARIO

Please enter your comment!
Please enter your name here