Home General Meta principal di e settlement ta eleva e clima di inversion!

Meta principal di e settlement ta eleva e clima di inversion!

0
0
SHARE
- Advertisement -

paulcroesdrs. Paul Croes durante tratamento di Settlement Valero
Pa garantisa posibel reapertura y seguridad di cada trahado

ORANJESTAD (AAN): Durante e reunion publico diasabra cu a dura mas di 16 ora, unda a trata e tres diferente leynan di Leynan di Winstbelasting, Dividendenbelasting en Imputatiebetaling y e BBO en coneccion cu mehoracion di e clima di inversion pa e refineria y e terminalnan di petroleo, drs. Paul Croes a trece durante su presentacion e importancia di e settlement entre Valero y Gobierno. Pa garantisa un posibel reapertura di e refineria, y garantisa cu cada trahador por keda cu nan empleo na e refineria, e cambionan haci na e diferente leynan ariba menciona, ta crea un cuadro fiscal caminda cu potencial operador of cumprado lo opera den dje. door di crea e clima di inversion sano, e seguridad fiscal y seguridad juridico bo ta amplia e posibilidad pa e re-apertura di e refineria.

Durante e reunion drs. Paul Croes a mustra riba e diferente motibonan pakico e refineria ta importante pa nos isla. Banda di e 1) ventaha economico cu e refineria tin pa nos isla, e beneficionan ta hopi. E ingreso cu e refineria a genera durante e ultimo añanan ta calcula rond di 650 miyon Florin. Esaki calcula na entrada di nos pais completo esta e Producto Nacional Bruto ta rond di 12%.

Croes a menciona durante su presentacion cu mester corda riba e 2) 650 cuponan di trabao y entrada pa hopi famianan aki na Aruba.

Banda di e efecto agrega of adicional cu e refineria tin dus e spin off effect riba e 3) desaroyo di San Nicolas ta sigur algo pa pone enfasis riba dje. E desaroyo economico y comercial di San Nicolas ta depende parcialmento di e re-apertura di e refineria.

Sigur no por lubida e 4) imagen internacional di nos isla, cu tin un refineria cu lo ta refinando y produciendo cual ta mustra cu companianan internacional tin confianza den Aruba como pais.
Tambe Croes a mustra riba e oportunidadnan cu un refineria bou di un operacion estable ta brinda oportunidad nan nos 5) studiantenan y hobennan technico pero tambe den ramonan administrativo, human resources, management pa na momento cu nan termina nan estudio por haya un empleo cu ta paga bon.

Considerando e importancia cu e refineria tin pa nos isla y su impacto economico Croes tabata convenci cu na e momentonan aki e mihor cos pa haci awor ta duna Gobierno espacio pa sigui negosha cu otro operadornan, pero den un cuadro fiscal mas atractivo. Pesey fraccion di AVP a aproba e leynan pa garantisa e continuacion di refineria na Aruba.

- Advertisement -

DUNA COMENTARIO

Please enter your comment!
Please enter your name here