Home General Minister President A Bisa Ammf: “No Na Dolfinarium”

Minister President A Bisa Ammf: “No Na Dolfinarium”

0
0
SHARE
- Advertisement -

ORANJESTAD (AAN): “As custodians of the planet it is our responsibility to deal with all species with kindness, love, and compassion. That these animals suffer through human cruelty is beyond understanding. Please help to stop this madness.” _ Richard Gere.

   Aruba Marine Mammal Foundation (AMMF)  ta den su pleno temporada di research scientifico riba laman y su campaña di educacion publico (incl. pa turista)  riba protocol di con pa anda cu nos  dolfijn salbahe ora nan ta bin cerca di costa especialmente na Arashi, Malmok & Palm Beach.

E research y programa educativo aki ta involucra Universidad di exterior y sectornan gobernamental y comunitario y ta segun e vision di United Nations Environmental Program/SPAW Marine Mammal Action Plan y  e Oslo Eco-tourism statement y e multiple empuhe di otro instancianan internacional pa promocion di research y conservacion di biodiversidad.  E ta sirbi como un ehempel na ki tipo di proyecto e Gobierno actual, cu a campaña pa un CAMBIO,  pa un Aruba sostenibel, pa pro-ecotourismo,  por  crea, sostene y promove.   

AMMF  a keda sorprendi cu  Minister di Turismo Sr. Otmar Oduber a saka den prensa; cu su Ministerio tin e deseo pa trece un dolphinarium  y cu esaki a worde aproba pa Ministeraad. Su statement ta contradeci  loke a worde palabra 1 siman anterior entre Prome Minister Mike Eman y Minister di Infrastructura y Medio Ambiente Benny Zievinger conhuntamente cu AMMF, Turtugaruba, Fanapa: cu Gobierno actual lo solamente duna permiso na un proyecto pa  “rehabilitate and release” dolfijn.  Un tipo di sanctuario caminda dolfijn salbahe malo,  herida, of confisca for di captividad,  por recupera y rehabilita pa laga nan back liber den laman.  Esaki kermen, NO lo duna permiso pa un dolphinarium.

AMMF ta spera di por tende publicamente di Minister President Mike Eman  un splicacion riba Minister di Turismo Otmar Oduber su reaccion publico contradictorio.  

Den pasado, na 1999, ex- Minister President, Sr. Henny Eman, tambe a haci un acuerdo verbal cu AMMF den presencia di ex-miembro di FANAPA Sr. Gaby Werleman,  cu NO lo duna permiso pa un dolphinarium.  Esaki a sosode despues cu, Sr. Nelson De Sousa, a informa AMMF cu e ta socio di Señora Leoncita Arends (correctamente of no?) y cu e ta representando Waterland cu e deseo pa establece un dolfinarium  na Aruba. Waterland ta un compania cu  hopi mal reputacion internacional pa su abuso contra dolfijn, zee leeuw y zee hond.  Pa prueba mira youtube “waterland” http://tinyurl.com/delfin2010 AMMF  ta quote:“Cruelty Animal In the Waterland Circuses”

Water Land, which originated in Cali, Colombia, established since 1996-1997 in Margarita Island, Venezuela. It is a company that has very bad international reputation, basically for abusive treatment to dolphins, sea lions and seals. A strong local animal welfare opposition kept the show from entering many countries such as Argentina, Brazil, Chile, Peru, Mexico, Panama, Costa Rica and Puerto Rico, have denied the settlement and shows of this company in their territories.”  
   E mesun grupo aki ta e motibo pa cual ex-Prome Minister Henny Eman a coopera cu AMMF pa pone un cadena bao brug halto di WEB pasobra nan a menaza di captura e dolfijn den anochi. Esaki  despues cu nan a trece un documento  pa mustra cu nan ta permiti pa captura delfin den awa di Antiya Hulandes.

Adhunto mi ta publica copia di e documento cu nan a haya na Curaçao di LVV cu ta comproba cu nan tabata por lo menos desea di captura dolfijn. E persona cu a firma e permiso aki, drs. Gerard Van Buurt a duna di conoce den symposium di Wildaruba2008, cu na Curaçao, e doño di Dolphin Academy Adrian Schrier, a trata en berdad tambe pa captura dos dolfijn, pero nan tur dos  a muri, di cual uno di nek kibra.          

 AMMF ta spera cu personanan  afilia na e suceso di pasado aki no ta un di e tres gruponan cu ta worde considera pa Sr Otmar Oduber, pasobra obviamente nan no ta critico den escohencia pa cu proyecto international na  bienestar di animal.    

E pregunta ta keda: pakico awor 12 aña despues, cu e movecion  contra captividad ta hopi mas grandi ainda, awor cu tin pruebanan visual fasilmente accessible riba internet di tur loke dolphinarium nan a trata di sconde;  cu e movecion anti captividad ta den su peak  internacional empuha pa e movecion mundial GREEN; e Pelicula “The Cove” cu su premio di Oscar y otro 43 premionan internacional; y e accidente fatal recien na Seaworld cu a conduci na e congressional hearing tocante e validez di  “educational value” di dolphinarium;  SI LO considera uno? Pakico Minister President Mike Eman lo riska bin cu un proyecto cu tin asina hopi stigma negativo riba dje awendia,y cu indescutiblemente automaticamente ta trece un boycot for di un ramo di Eco turismo?       

 AMMF tin mas informacion cu ta worde comparti pa e ‘anti captivity movement’ cu lo pone qualkier gobernante cu Eco- tourismo y respect pa naturalesa den nan maneho, bira lomba y core bay for di cualkier proyecto di dolfinario na careda cu speed di 56.3 km pa ora ( e top speed di un orca).

- Advertisement -

DUNA COMENTARIO

Please enter your comment!
Please enter your name here