Home General Presonan a lanta pisa den prison na Curacao

Presonan a lanta pisa den prison na Curacao

12
0
SHARE
- Advertisement -

prisioncorsuo1Prome cu entrada “schoonschip”
Contra presencia wardado di presonan Hulandes
ORANJESTAD (AAN); Informe di Curacao ta mustra cu presonan cu Diadomingo a cuminza tuma nota e cantidad di Hulandesnan cu a cuminza invadi e instituto penitenciario na Koral Specht no a keda masha contento cu e yegada y mesora a cuminza rebeldia. Ya pa basta dia Minister di Husticia señora Jacoba a saca un comunicado cu entretanto e luna di Juni ta bay cuminza cu un limpieza por completo den e instituto. Ta trata aki di un limpieza cu ta keda subsidia pa instancianan Hulandes caminda hasta a manda basta personahe Hulandes pa e isla pa asina por a yuda den e limpieza cu ta bay tene den Prison Koral Specht.
Ta trata di varios wardado di preso cu ta profesional riba e tereno aki y hasta ex-miembronan di e team di aresto Hulandes pa asina yuda controla y vigila e presonan. Diadomingo merdia presonan a lanta formal ora cu nan a cuminza ripara e prome movimentonan, e presonan tabata basta disgusta debi cu nan a keda informa cu nan lo bay keda un par di dia sin por ricibi bishita di nan sernan keri pa asina por a realiza control den cada cel pa busca wak si ta topa cu cualke obheto ilegal.

prisioncorsuo2Presonan a bira asina razo caminda hasta a tende seis zonido basta fuerte den e instituto cu a zona igual cu zonido for di un arma di candela. Mesora e Hulandesnan cu ta staciona na prison Bon Futuro a bati un alarma general caminda a manda pidi esfuerzo di nan coleganan cu ya ta na Curaçao pero cu tabata kedando na kazerne pa asina por cuminza cu e control den e dianan benidero.

Presonan a sigui rebeldia caminda a destrui basta porta di cel. Ta basta portanan di cel den e bloknan 2, 7 y 8 a keda destrui. Mesora e Hulandesnan a haci uso di gasnan lacrimogeno pa asina por a calma e presonan y hinca nan den cel back.

A laga sera henter e area rond di e instituto mientras cu un van tabata patruya rond di Piscalat. No tabata laga ningun hende yega cerca cu no ta trahado por a pasa pa bay haci nan trabao. Despues di un rato a yega un van grandi yena cu Hulandesnan bisti na uniform blauw cu mesora a tuma e mando na Piscalat.

DIARIO a haya sa, cu nan a subi dak pa asina por a vigila e situacion di halto mientras e otronan tabata drenta e blok y manda tur presonan nan respectivo celnan back. E Hulandesnan tabata bon arma pa cualkier eventualidad. No a dura masha cu a logra di hinca tur preso back den cel pa asina por a trece un trankilidad back.

Awor ta investigando ta ken ta esnan cu a destrui e luga y tambe esun responsabel cu a los e bala nan. E situacion ta sigui tenso den e instituto.

- Advertisement -

DUNA COMENTARIO

Please enter your comment!
Please enter your name here