Home Hudicial Rapero Conoci Na Caracas Laga Liber Despues Di Paga Multa Di 2500...

Rapero Conoci Na Caracas Laga Liber Despues Di Paga Multa Di 2500 Florin

0
2
SHARE
- Advertisement -

Strandpolitie a kita e 5000 dollar falso di dje

raperoORANJESTAD(AAN): Franco e rapero Venezolano gara cu 5000 dollar falso a ser laga den libertad. Na Caracas e ta un figura conoci.

Den duo Franco y Oscarcito ta duna presentacion na Venezuela.

Na Aruba el a presenta cu 5000 dollar cual tur tabata falso.

Esey a haci tambe cu el a keda deteni na momento cu strandpolitie a cuminsa haci un investigacion.  E prome detencion tabata den Paseo Herencia. Un rato despues strandpolitie cu a sigui cu e investigacion a tira man riba e sospechoso aki.

El a splica cu ta su ruman na Venezuela cu ta represente como artista a bai cambia e dollarnan pe. Desde diasabra anochi e tabata sera. Su frei tambe a bin cune Aruba. El a ser hiba warda pero no a keda sera.

Polis a interoga e rapero Venezolano aki y fiscal tambe a topa cune.

Ministerio publico a dicidi cu diadomingo ta laga e prome sospechoso bai. Esey ta esun cu a cumpra cos cu e dollarnan falso den negoshinan renombra na Paseo Herencia.

Despues di esey diamars e otro sospechoso Franco a bai di acuerdo pa paga e multa cu ministerio publico a impone. El a haya un multa di 2500 florin. Via su abogado el a logra regla esaki y e bufete di abogado mes a paga e suma pa asina e rapero aki sali liber.

Sigur e 5000 dollar mester wordo destrui aunke e ta un bon cos pa mustra hende pa nan capta e señalnan di dollarnan falso.

E foto aki ta saca diadomingo pafor di warda di strandpolitie ora cu tabata hibando Franco pa warda di polis na Oranjestad unda e tabata sera.

- Advertisement -

2 COMMENTS

DUNA COMENTARIO

Please enter your comment!
Please enter your name here