Home General Residentenan Colombiano a deposita nan voto pa elegi presidente nobo

Residentenan Colombiano a deposita nan voto pa elegi presidente nobo

0
0
SHARE
- Advertisement -

voto1ORANJESTAD (AAN) — Manera ta conoce diadomingo 30 di Mei, a tuma lugar e proceso electoral na Colombia, pa elegi e Presidente cu lo dirigi e pais pa e siguiente periodo di cuatro aña, cu lo cuminza dia 7 di Augustus 2010- te cu 7 Augustus 2014. Aunke na Colombia no ta obligatorio emiti e voto, si e ta worde considera como un deber moral cu cada ciudadano tin e opcion di cumpli cune of no. Manera ta conoci e votacion na Colombia ta un movimento mundial, ya cu den embahada y consulado Colombiano rond mundo, e ciudadanonan residente tin un censo pa votacion, pa duna nan e oportunidad di eherce nan derecho sagrado di voto, tanto pa Senado como pa e Presidencia di pais.
Na Aruba, for di mainta 8’or cu e Consulado a laga resona e notanan di e Himno Nacional di e pais, e mobilizacion di residentenan Colombiano a cuminza, por cierto meymey di un calor horible, pero esaki no a stroba nan pa bay e urnanan di votacion, cu hopi trankilidad y den un esfera agradable.

Por mira via cable con e eleccionnan na Colombia a capta atencion di mundo henter, y mas ainda cu tin dos candidato “cabes cu cabes” y cu e posibilidad pa bay e di dos vuelta ta practicamente inevitable. Esaki lo tuma lugar dia 20 di Juni awor.

Por mira riba potret algun imagen di e momentonan aki. Den articulo apart, un entrevista hopi cortico cu e Consul Lic. Pilar Vargas, y cu tres ciudadano cu kendenan nos a conversa masha breve mes.

- Advertisement -

DUNA COMENTARIO

Please enter your comment!
Please enter your name here