Home Politica Talento Di Un Mama Dedica Na Tur Mama

Talento Di Un Mama Dedica Na Tur Mama

5
0
SHARE
- Advertisement -

Mensahe di Ministro Benny Sevinger:

ORANJESTAD (AAN):Dia 9 di mei nos ta celebra Dia di Mama, un fecha cu na mayoria di pais ta worde celebra na grandi. E ta un dia cu nos ta pone enfasis riba tur loke e persona special aki ta representa pa nos como yiu.

Nos ta pone enfasis pasobra dia di mama, no ta un dia so, pero ta tur dia di aña.Tur dia e hende muhe cu a duna luz y ta worde yama mama mester celebra dia di mama.

E titulo di mama no ta un cos di un rato so, no ta un paña cu bo ta kita y colga den cashi. No ta un zapato cu ora e ta preta mucho bo ta core hinca den un caha. Ser mama ta pa semper. Ni cuanto aña e yiu haci e mama ta keda cuid’e, mimie y ta keda percura pe pa semper.

Dia 9 di mei nos tur cu ta yiu mester reflexiona un momento pa e milager cu Papa Dios a duna hende muhe. Ta un milager cu hende muhe por duna bida na un otro ser humano.

Si cada yiu pensa un rato kico un mama ta nifica lo no tin palabra suficiente pa describi kico tur e ta haci pa un yiu. No tin espacio suficiente riba un papel pa skirbi tur cualidad cu un mama por tin. Un yiu ta nace,crece, su caracter ta worde forma door di e guia, e consehonan cu e mama ta dun’e. Hopi bes un yiu ta lubida cu ta e persona su dilanti cu ta su mama ta esun cu a keda sin drumi anochi ora e ta malo, pasobra e ta e verpleegster, e dokter.  Ora cu e yiu ta haci aña, ken ta e coki, e waiter cu ta organiza e fiesta di cumpleaño? Si na school tin examen, ta e mama ta sinta banda di e yiu pa haci e les, pa busca e informacion, e ta siña pareu cu e yiu e examen.

Ta ken ta keda sin drumi ora e yiu dicidi cu e ta sali bay balia un anochi?

Si un yiu ta sufri su prome decepcion amoroso, ta e mama ta e consehero spiritual.

Nos por sigui menciona tur e abilidad y talento cu un mama tin y e dicho cu ta un mama so tin ta algo cu no por worde cuestiona.

Un mama ta pone tur su interes personal un banda pa dedica tur su atencion na su yiu, y maske dia 9 di mei nos ta celebra dia di mama no ta kita afo cu tur dia nos mester celebra dia di mama.

Na tur mama, wela, tanta cu ta mama mi kier felicita y honra nan riba e dia tan special cu ta di internacional di mama.

Mama, mi mama, mi casa, mi ruman muhernan, awe ta boso dia y como yiu, ruman, casa mi kier expresa gratitud, amor, respet na bo persona como mama, pasobra sin boso nos hamas lo tey.

- Advertisement -

DUNA COMENTARIO

Please enter your comment!
Please enter your name here