Home Policial Tata A Bati Na Porta Di Ministerio Publico Pa Atende Cu Su...

Tata A Bati Na Porta Di Ministerio Publico Pa Atende Cu Su Yiu

0
0
SHARE
- Advertisement -

ORANJESTAD.(AAN); — No ta prome caso pero tin tantisimo denuncia relaciona cu adiccion den cantidad di famia.

E ta un dolor inmenso di wak bo propio yiu ta den gara di bendedornan di droga sin escrupulo. Pa colmo tin un lista grandi pa e victima drenta den un instituto pa rehabilita. Mas problematico ta pa famia pone e yiu adicto bao curatela.

Esaki no ta facil primeramente lo mester busca asistencia di un abogado, si e famia no tin e placa e por acudi na Departamento  Sociale Zaken pa solicita pa abogado liber. Na e despacho lo tin tur information disponibel y guia pa e proceso, caso ta wordo trata den corte. Si hues aproba den e caso aki e adicto ta bao curatela, tur cos ta depende espacio pa drenta Centro Dakota ya cu tin un lista bastante largo cu por dura luna nan prome e victima wordo atende pa adiccion.

E informe corto tin di haber cu un caso recien.

Segun e informe policial cu diadomingo mainta den careda di 11’or y 30, central di polis ta dirigi patruya San Nicolas pa asisti un tata preocupa pa motibo di actitud di su yiu homber.

Patruya  yegando na un direccion den Rooiweg, polis a papia cu e homber di inicialnan M.W. e tin 44 aña.

E ciudadano ta conta polis cu e ta pasando basta dolor di cabez cu su yiu homber cu ta choll. E yiu en cuestion a caba di maltrate y a kibra algun articulo den cas, e tata ta bisa polis tambe cu no ta prome biaha hasta e su yiu a kibra drenta den e cas.

Finalmente ta bisa polis cu awa a pasa hariña y e no kier e yiu mas den cas.

Polis no por a papia ni atende e yiu rebelde adicto na droga debi e lo a bay sconde den un rooi  den cercania.

Agentenan a bisa e tata preocupa si e ta desea e por entrega keho, tambe e por pone e yiu bao di curatela. Pero si acaso e yiu regresa cas e por yama warda , polis lo regresa pa atende e yiu homber.

Tata lo a dicidi pa bati na porta di Ministerio Publico pa busca solucion ya cu e no por mas cu e situacion. Ainda lo por existi e posibilidad grandi cu e yiu en cuestion por rehabilita  Esaki ta e tantisimo casonan preocupante cu ta existi bao di nos comunidad.

- Advertisement -

DUNA COMENTARIO

Please enter your comment!
Please enter your name here