Home Estilo Westin Aruba Galeria di Arte ta Presenta “Converging Styles”

Westin Aruba Galeria di Arte ta Presenta “Converging Styles”

10
0
SHARE
- Advertisement -

Como parti di e Festival di Biña, Cuminda & Arte

Converging Styles (7)ORANJESTAD (AAN): Un total di bintitres diferente artista di Aruba, y cuater artista di Hulanda, actualmente ta exponiendo nan obranan den e Galeria di Westin, como un pre-bista di e di 6 Festival anual benidero di Biña, Cuminda & Arte.

   Den añanan anterior e tema di e exposicion semper tabata relaciona cu biña y cuminda, sinembargo, e aña aki e organizador a opta pa un contribucion liber, resultando den un show varia y colorido cu lo keda habri na e galeria te cu dia 25 di Juni.

  Durante e Festival di Biña, Cuminda & Arte cu ta tumando luga di dia 3 di Juni pa dia 5 di Juni, mas piesa di e artistanan aki lo ta presente pa mira y cumpra, den e salanan, gangnan y ballroom di e resort. 

   Durante e apertura di Converging Styles cu a tuma luga diasabra, Zahira Zaandam, di e Departamento di Cultura, a remarca den su discurso di bon bini, cu arte ta un vehiculo importante di comunicacion, y un manera pa transmiti visionnan y ideanan cu hopi biaha ta sinta mas leu cu e capacidad di palabranan ta permiti. 

  E exposicion excelente a worde haci posibel danki na e Westin Aruba Resort, colaborando hunto cu The Aruba Art and Management Consultancy, cu e meta di promove artistanan local. 

   Entre e artistanan cu ta participando, di Aruba, ta inclui: Mo Mohamed, Marian Abath, Stan Kuiperi, Lara Kuiperi, Elisa Lejuez-Peters, Irene Peterson, Elvis Tromp, Francis Escalona, Rosalie Klein, Marco van Esdonk, Anjo Rotteveel, Joseph Miklojcik, Frank Croes, Mirian De L’Isle, Edmond Tujeehut, Belinda de Veer, Annemiek van Vliet, Grace Ashruf Rahusen, Evelino Fingal, Jeanne Ecury y organizador di e exposicion, Eefje van der Straten van Twillert.

For di Hulanda, JanHein Van Stiphout, Douwe Van Twilert, Ro Heilborn y Joannah Dryter Innemee.

   E exposicion ta inclui un seccion special di Arte di Botter di Biña, cual ta algo diferente y facil pa hiba como un recuerdo di e Festival di Biña, Cuminda & Arte.

E galeria ta habri tur dia di 8 a.m. pa 10 p.m. y entrada pa e exposicion ta gratis.   

- Advertisement -

DUNA COMENTARIO

Please enter your comment!
Please enter your name here