ORANJESTAD (AAN): Diahuebs y Diabierna pasa Women’s Club di Aruba a bay tur cas di anciano cu nan Comite di Welfare pa celebra Dia di Mama.
Tur Mama y tur otro habitantenan a haya un dushi pida bolo y un refresco. Women’s Club a malcria un total di 245 persona cu ta biba den e tres diferente cas nan di anciano; San Nicolas, Maris Stella y St. Michaels Paviljoen.
Na Paviljoen e “Grupo Musical Crystal” di Señora Laura Santine (miembro di WCA) a anima e mainta cu cantican di antes cu tur hende a reconoce y nan a canta y bati man huntu.
Women’s Club ta gradici tur sponsor cu a yuda pa celebra e dia aki cu nos
grandinan. Nos kier haci uso di e oportunidad aki pa desea TUR Mama di Aruba un dushi y feliz Dia di Mama cu hopi amor y carinjo. Happy Mother’s Day!!
