Home Estilo Yorkshire Post Cu Cobertura Di Aruba

Yorkshire Post Cu Cobertura Di Aruba

0
0
SHARE
- Advertisement -

Mas di e extisos viahe di prensa di Inglatera

Yorkshire_Post_finalORANJESTAD (AAN): Manera a ser publica den siman cu Manchester Evening News a traha un bunita relato di Aruba den nan edicion di April 24 awor e sali den edicion di Yorkshire Post di 30 di april 2010 un relato extenso y bunita. Esaki tambe ta parti di e viahe di prensa cu ATA a host cual a tuma lugar recientemente conhuntamente cu e periodista di Manchester Evening News.

   Den e relato di Yorkshire Post e periodista ta menciona e diferente restaurant nan cu el a bishita manera Pinchos, Passions, The Pirate’s Nest, Nos Cunucu, como tambe Charlie’s Bar. Di cada uno e ta conta algo positivo y bisando cu maske niun di nan no tin un menu vegetariano cada uno a sa di sorprese cu un plato vegetariano delicioso.

Esaki mirando cu e mes ta un vegetariano. Tambe e ta conta di un di nos specialidad nan cual ta e soppi yuwana. Y ta menciona nos Parke Nacional y tambe un sailing trip cu el a haci bishitando e famoso shipwreck Antilla. E ta termina su bunita relato bisando ‘If you could design the perfect Caribbean island, you would probably create a place like Aruba. It’s no wonder that its slogan, which also appears on every car number plate, is ‘One Happy Island’. Pues si bo por a diseña un isla caribense perfecto probablemente lo bo diseña ‘Aruba’ y cu pues no ta nada straño cu nos slogan ta ‘One Happy Island’ cual ta aperece riba nos number nan di auto.

   Riba e potret nan por mira mas di e cobertura aki den Yorkshire Post kende tin un acogida di mas di 51,000 persona. Siguramente algo positivo pa nos isla. ATA kier a gradici tur su partners nan pa nan apoyo y pa a yuda haci e viahe aki un exitoso.

- Advertisement -

DUNA COMENTARIO

Please enter your comment!
Please enter your name here