Home Hudicial Acusado laga den libertad pendiente tratamento di e caso

Acusado laga den libertad pendiente tratamento di e caso

0
0
SHARE
- Advertisement -

Judicialpa e no ta sinta den prison mas largo cu e castigo cu e por haya
ORANJESTAD(AAN): Diabierna Jean Carlos R. a presenta dilanti di huez, debi na e hecho cu e ta wordo acusa di a manda un piedra door di porta di un tienda cu intencion di ladronicia, riba 9 di Februari 2010. Tambe e ta wordo acusa di a kibra bentana di un restaurant y drenta, cu e intencion di ladronicia, riba 11 di Februari 2010. Banda di esaki e ta wordo acusa di hunto cu un otro of otronan, a comete ladronicia den un hofi di bicicleta di un persona riba 22 di April 2009.
Tambe e ta wordo acusa di a kibra bentana chikito di un auto y drenta riba dia 12 di november, cu e intencion di ladronicia .
Ademas di esaki e ta wordo acusa di ladronicia di un auto den e periodo di 10 te 12 di November 2009. Huez a splica e acusado cu su caso no por a wordo trata, debi na falta di espacio na corte.
Fiscal a indica cu e prome fecha riba cual e caso por wordo trata ta dia 17 di September.

Abogado Figaroa representando e acusado a bisa cu mirando e tipo di delitonan di cual su cliente ta wordo acusa y e tempo cu e tin sinta caba den detencion preventivo, e ta haya cu muy probablemente e castigo cu J.R lo haya, ta bay ta menos cu e tempo cu en total e lo a sinta.

Pesey e abogado a pidi huez si su cliente por wordo laga den libertad, pendiente di tratamento di su caso. Fiscal a bisa cu e tabata verwacht e peticion aki di parti di e abogado, pero e fiscal ta haya cu si J.R wordo laga den libertad, tin chens grandi cu e lo por comete crimen atrobe.

E fiscal a mustra riba e hecho cu den pasado caba, un luna despues cu J.R a yega di Sali liber di prison, el a comete actonan criminal atrobe. Huez tambe a indica cu e ta haya cu quizas tin chens cu si J.R Sali e lo por comete crimen atrobe, specialmente mirando cu e tin problema di adiccion na droga.

Otro abogado di e acusado esta van Esch, a bisa huez cu ruman homber di su cliente a tuma contacto caba cu SAMBA, pa e haya ayudo pa su adiccion. Huez a puntra e acusado unda e ta bay keda si e Sali for di prison y el a bisa cu e lo keda na cas di su mama.

Huez na final a bisa cu e no ta kere cu e castigo cu J.R ta bay haya ta bay ta mas cu e tempo cu el a sinta caba den detencion preventivo y pesey el a dicidi di laga J.R bay, pendiente di tratamento di e caso.

- Advertisement -

DUNA COMENTARIO

Please enter your comment!
Please enter your name here