Home General Ainda Por Mira Hopi Mucha Chikito Sinta Dilanti Den Auto Of Patras...

Ainda Por Mira Hopi Mucha Chikito Sinta Dilanti Den Auto Of Patras Sin Seatbelt Bisti

8
1
SHARE
- Advertisement -

childseat2.500Aunke awor ley no ta permiti esey mas:

ORANJESTAD (AAN):   Poco dia pasa por a mira cu Minister di Husticia a anuncia cu muchanan menor di 12 aña mester ta sinta patras den auto y cu seatbelt bisti.

    E muchanan aki di menos di 12 aña tampoco por bay sinta dilanti banda di e chofer.   Esaki awor ta un medida cu ta den ley y mester cumpli cune.

   E muchanan menor di 12 aña tampoco por bay den un pickup cu no ta di doble cabina. Si e pickup no tin doble cabina e ora nan no bay mes den e auto aki.

   Loke si ta di lamenta ta cu ainda por mira muchanan sinta dilanti of patras sin seatbelt.  Muchanan den pickup siendo cu esaki no mag tampoco.

   Poco dia pasa tambe a mira un chofer iresponsable na e rotonde di Tarabana coriendo cu un grupo di studiante (menor di 12 aña) pa colmo den baki di e pickup exponiendo e muchanan nan cualkier desgracia.

    Por ta tin hende cu ta bisa cu nan no a tende ni sa nada cu tin un ley awor cu ta bisa cu esey no mag. Pero e ora ey lo ta bon pa cuminza pone mas enfasis den e leynan aki.

    Na prome lugar mester laga henter e comunidad sa, atravez di un campaña di concientizacion cu tin un ley y cual ta e medidanan.

   Na di dos lugar duna di conoce cual ta e boetnan cu lo cay pa esnan cu ta infringi e ley.

    Manera tur hende sa, na Merca, por ehemplo, tur ciudadano sa cu nan no mag laga ningun mucha drenta un auto si no tin stul pa mucha.  Sea “car seat” of “child seat”, “booster” pa muchanan menor di 12 aña. Nan tin esey hinca profundamente den nan mente.  Ciertamente nos ta mucho laat cu e ley aki, aunke mihor laat cu nunca!.

   Pakico na Aruba tur hende haci loke ta nan deseo y no loke ley ta bisa?  Wel a bira tempo pa cuminza actua cu man duro.  Esey cu no cumpli, ley lo cay pisa riba dje.  Manera polis mes ta bisa: “Faya bo haya”.  

- Advertisement -

1 COMMENT

  1. Mayornan ta tuma riesgo mucho grandi cu bida di nan yuinan!!!
    No tin un boet mas halto cu perde un yui!

DUNA COMENTARIO

Please enter your comment!
Please enter your name here