Home General AZV No Mester Impone Riba Specialistanan

AZV No Mester Impone Riba Specialistanan

1
0
SHARE
- Advertisement -

Dr. Van Leeuwen

Pero Mester Laga E Comunicacion Liber Entre Specialsta Y Docter Di Cas

ge2ORANJESTAD (AAN)* Segun e cardiologo dr. van Leeuwen, momento cu un di su coleganan cardiologo tene charla, automaticamente e Docternan di Cas ta haya 4 pa 5 punto di acreditacion. Durante e simposio tabatin docternan di cas for di Isla Ariba, Bonaire y Corsow banda di esnan di Aruba.

Di parti di specialista ta importante pa tin bon comunicacion cu HAVA, asosacion di docternan di cas, na unda cu AZV ta hunga un rol eynan. Cada dos aña mester reinicia palabracionan di e contractnan. Esaki ta depende riba palabracionnan cu AZV tin cu e docternan di cas,. kiermeen e mester ta bon sincronisa. No mester laga AZV impone riba specialistanan pa bisa con tin cu traha.

E mester ta asina cu e specialistanan mes por delibera cu e docternan di cas of e respective directive lo delibera cu otro, encuanto con ta recomeda (verwijs) e patient pa specialista. Esaki ta encera e momento cu ta recomenda e patient na specialista, reportahe bek na e docter di cas,  Na Aruba no tin e cultura di scirbi carta of email di e specialista pa e docter di cas.

Por ehempel dr. Johnny Cheng ta un specialista cu ta scirbi hopi carta, mientras cu dr. van leeuwen ta scirbi riba e verwijs brief di AZV. Na Hulanda tur cos ta electronico, e patient tin su dossier electronico, cu ta haci cu e ta asesible pa e specialista por haye y tambe pa hospital.

Na Aruba mester puntra e patient su informacion cu realmente ta tempo valioso cu ta bay perdi na acumula informacion. Si un patient yega na Eerste hulp pa 3’or di marduga anto ta ki informacion tin of diagnosis.

E patient si e tin un diagnosis complica elo haya un carta cu e informacion aki. Akinan e importancia di comunicacion entre specialista nan mes y entre specialista y docternan di cas ta hopi importante.

Papiando di comunicacion, e simposio di curazon ta un ehempel con esaki ta funciona, principalmente e comunicacion cu e patient, pa dune splicacion di su condicion, diagnosis y riba e informacion cu e tin derecho riba dje. Segun dr. Juan Carlos van Leeuwen, su persona ta tene dos charla pa aña cu Witgele Kruis.

Si tene mas charla pa aña bo ta satura e hendenan, dus mester bay modera, pasobra ta asina tambe cu si tin varios biaha cu charla lo bin e mesun personanan y cada biaha e grupo lo bira mas chikito.

Segun dr. van leeuwen elo prefera pa duna un charla pa 50 hende den un solo biaha envez cu 50 biaha e 10 minuut durante su consultorio. Por ripiti informacion manera na e simposio a duna manera un capsula di informacion. E comunicacion cu patient ta hopi importante y cada biaha durante cita cu su persona e ta pidi e patient bin cu su remedinan, apesar cu e patient ta bisa cu docter sa ki remedi.

Segun van leeuwen esaki durante anochi por a cambia, pa motibo cu su persona no ta e unico cu ta wak e patient. Cada persona ta diferente y simper bo ta haya patient cu ta puntra pakiko, con y kico por sosode ora bebe remedi, cu awa, lechi, alcohol of juice.

Si tin hende cu ta bebe alcohol y ta laga remedi para ta pio sib o bebe nan parew. Esaki ta dobbel trouble y no ta e intension pa stimula ningun hende bebe alcohol cu remedi, pero tin varios patient cu ta prefera bebe alcohol y no ta bebe remedi., e ta miho un trouble cu dos parew.

E comunicacion entre e docter y su patient ya caba ta wordo haci via email cu ta save tempo di tanto patient y e docter. Dr. Carlos van Leewen a bisa cu tin patient cu ta email e y asina ey e por tin contacto cu su patientnan sin cu cada biaha nan ta acudi na su consultorio. Esaki ta un manera eficiente y logistico cu e patient por comunica cune, e tin su business cardnan cu e patientnan ta haci uso di dje pa comunica cune via email. Tin preguntanan ta con ta bebe remedi of sit a bebe remedi pa haci sanger fini, e ta coy e file y asina por mira ta con e tumamento di remedi mester tuma lugar. E generacion mas jong ta esnan cu ta haci mas uso di email pa comunica cu e docter.  

- Advertisement -

DUNA COMENTARIO

Please enter your comment!
Please enter your name here