Home General Banconan Comercial Ta Considera Empleadonan Di Valero Atrobe

Banconan Comercial Ta Considera Empleadonan Di Valero Atrobe

0
0
SHARE
- Advertisement -

ORANJESTAD (AAN)*  Despues cu aña pasa gerencia di Valero a dicidi pa shutdown e refineria na Aruba, e banconan commercial a restringi y na un forma hopi streng no tabata duna mucho asistencia den forma di prestamo personal of di hipoteca na e empleadonan di e refineria. Esaki segun informacion di e trahadornan cu e sindicato di e trahadornan IOWUA a haya.

    Mirando cu e reapertura di e refineria y e trabaonan di turnaround cu ta bay cuminsa na unda cu contratistanan ta buscando nan hendenan back pa por cumpli cu e demanda di trabao relaciona cu e turn around y reapertua di e refineria pa dia 1 di September proximo, sindicato IOWUA a dicidi di comunica cu e banconan pa gana nan confianza back.

   Segun presidente di e sindicato IOWUA sr. Boy Anthony, e combersacionnan cu e diferente banconan a bay den bon esfera. Pa loke ta e banco CMB a laga sa cu semper nan portanan ta habri pa e empleadonan aki y cu comercio lo continua cu e empleadonan aki pa loke ta e diferente productonan cu e banco tin di ofrece. Como cu e director di e banco sr. Javier Wolter ta presidente di e Asspsacion di e banconan commercial a keda di manda nan un mail pa considera e trahadornan di Valero.

     Aruba Bank tambe a ricibi e sindicato cordialmente y a ofrece nan servicio na e empleadonan aki di Valero. Segun Aruba Bank simper e servicio a keda y ta evalua cada empleado apart pa yega na remarke di hypoteca of otro servicionan banquero. Falta e dos banconan cu ta RBTT y Banco di Caribe pa duna nan palabra y bay di acuerdo pa duna servicio na e empleadonan di Valero, kendenan no tabata worde considera pa banco pa bin na remarca di prestamo personal, hipoteca y otro productonan. A compronde cu Banco di Caribe e empleadonan no tin problema. Pa loke ta RBTT bank a pidi pa duna nan 1 dia y mei pa tuma un decision. Tin algun empleado cu a acudi na e banco pa prestamonan pero te ainda ta wardando contesta riba esakinan. Ta di spera cu RBTT bank tambe considera e empleadonan di Valero pa por disfruta di e productonan cu e banco tin pa ofrece nan.

- Advertisement -

DUNA COMENTARIO

Please enter your comment!
Please enter your name here