Celebracion di fiesta di San Juan y Dera Gai na Centro di Bario Noord
ORANJESTAD (AAN): Diahuebs dia 24 di juni 2010, Centro di Bario Noord ta organiza un anochi cultural en conexion cu celebracion di fiesta di San Juan y Dera Gai for di 7.30 or te 11.30 or di anochi na Centro di Bario Noord.
Lo bay tin actuacion musical di caha di orgel Nos Ambiente, Tipico Ola Tropical y Eddy Tec.
E siguiente gruponan di baile lo duna nan presentacion: school di hunga Chikitin Bin Bin, Grupo Traimerdia di Chikitin Bin Bin, Sint Annaschool, Rosea Cultural y Flor di Trinitaria.
For di 7.30 or nos ta inicia cu e parti infantil di e programa cu presentacion di e gruponan di baile infantil, competencia di e baile di Dera Gai y grito di gai y galiṅa pa mucha.
Despues ta sigui e parti cu presentacion di e gruponan di baile Flor di Trinitaria y Rosea Cultural. Sigui pa e competencia di baile di Dera Gai y grito di gai y galiña pa adulto. Tambe lo bay tin e competencia pa e miho pareha di e baile di Dera Gay.
Durante di e programa lo bay tin musica di Caha di orgel Nos Ambiente y Tipico Ola Tropical. E Bar lo ta bon surti y e cushina lo ta crioyo crioyo. Entrada pa e anochi aki ta un sonrisa. Un invitacion ta bay na e pueblo di Noord y di Aruba en general pa asisti na e programa cultural aki y asina yuda promove y conserva nos cultura.
