Home Evenemento Chekeo Medico Gratis Organiza Pa Xavier University School Of Medicine

Chekeo Medico Gratis Organiza Pa Xavier University School Of Medicine

1
0
SHARE
- Advertisement -

ORANJESTAD (AAN): Diasabra dia 19 di Juni 2010, Xavier University School of Medicine lo tin su tremendo chekeo medico gratis.  E evenemento aki lo ta di 8:00 am pa 12:00 pm.  E testnan cu lo wordo ofreci ta: Cholesterol, Presion, Sucu, Oido, Vision, Peso, Body Fat, y mas. E testnan lo worde haci door di e studiantenan di XUSOM y Laboratorio Familiar.

      Na final lo bo ricibi un consulta gratis cu un doctor local of internacional. E testnan aki ta pa bo por “screen” bo condicion actual; semper nos lo recomenda pa bo follow up cu bo doctor di cas. Na final di bo consulta lo bo ricibi un carchi cu tur e resultadonan di bo testnan pa bo por entrega na bo huis arts.

    E evenemento aki lo ta na Xavier University Campus 2 na Santa Helenastraat (Happy Mall, mesun edificio roos di Toys “4” Us, entre e rotonde di Ponton cu e retonde di Belgiestraat).  E evenemento aki ta organisa door di e studiantenan di Xavier University como un regalo na e comunidad di Aruba y tambe pa conscientisa tur hende riba e importancia di un chekeo medico. 

E testnan aki ta importante pa tur hende. E no ta importa edad, of condicion fisico. Si bo tin un condicion cu bo mes ta controlando caba of si bo ta sinti cu bo ta “In Top Shape”! E testnan aki ta hopi benificioso pa tur hende. Nos ta recomenda cu henter e comunidad di Aruba tuma e oportunidad aki pa bin tuma un chekeo medico gratis. Lo tin organisacionnan presente entre otro Alzhiemers Aruba, I.L Familiar y mucho mas! 

      Nos ta conta riba tur hende pa duna nos un man y pa nos transforma Aruba den un “One Healthy Island”. E organisacion aki ta uno di studiantenan i manera semper nos lo tin mester di un ayudo financiero, por fabor yuda nos yuda e comunidad Arubano. Pa duna nos un man of pa participa den e feria aki, please tuma contacto cu nos na jennyz@students.xusom.nl of yama 5887766. Bishita nos website na http://edu.xusom.nl/. Tuma bon nota cu e test di colesterol lo ta di unicamente 8:00 am pa 11:00 am y bo mester bin na yuna. 

- Advertisement -

DUNA COMENTARIO

Please enter your comment!
Please enter your name here