Home General Comision a sinta cu diferente instancia relaciona cu abuso sexual di mucha

Comision a sinta cu diferente instancia relaciona cu abuso sexual di mucha

0
0
SHARE
- Advertisement -

Paul Croes

ORANJESTAD (AAN)* Parlamento recientemente a instala un comision extra ordinario contra di abuso di mucha.

   Parlamentario drs. Paul Croes a remarca cu e comision aki ta consisti di representacion di tur 3 fraccion den parlamento y cu ya caba e comision aki a reuni cu mas di 10 instancia riba e tereno aki caba.

    E comision aki ta bao di nomber di “Comision Extraordinario contra Abuso Sexual di menor” cu a keda instala dia 28 di April ultimo.

    E  intension di e comision aki ta haci un inventarizacion y e diferente instancianan, e diferente proceduranan y tambe leynan cu ta regarda abuso sexual di menor aki na Aruba.

    A sinta na mesa cu e diferente departamento, instancia, fundacion y bureau pa tende kico ta e dolornan consehonan y sugerencianan cu e instancianan aki tin, esaki pa mehora e cadena cu tin relaciona cu abuso sexual y otro tiponan di abuso contra di menor.

    Algun di e instancianan aki ta Voogdijraad, un instancia cu ta hopi cerca di e problematica aki, a sinta cu Departamento di Asuntonan Social, cu Jeugd en Zeden Politie, Fundacion Guia Mi, cu Bureau Sostene Mi, Ministerio Publico, a sinta tambe cu e Specialista di Mucha cu ta hopi cerca di e problematica aki.

   Otro siman parlamento lo ricibi un rapport for di e commission Extra Ordinario aki, conteniendo e sugerencia, cambio of adaptacion di leynan y proceduranan pa atende cu e problematica aki.

   Prome cu entrega di e rapport aki lo manda yama e 3 ministernan concerni cu e problematica aki cu ta sres. Arthur Dowers di Husticia, Richard Visser di Salud Publico y Michelle Winklaar di Asuntonan Social y Economia.

- Advertisement -

DUNA COMENTARIO

Please enter your comment!
Please enter your name here