CSI Crew a tene tremendo weganan di Softball na Kudawecha
ORANJESTAD (AAN)- Diabierna, Diasabra y Diadomingo pasa tabata tin tremendo weganan di softball na Kudawecha Ball Park organiza pa CSI Crew.
E weganan di Diabierna a cuminza pa 7’or di anochi entre Happy Brothers y Los Guereros, sigui pa Bad Boys vs Guess Power y ultimo wega tabata 10’
Or di anochi Redskin vs. Defender. Diasabra e weganan a sigi pa 1’or di merdia entre Crystal Casino y Men in Pink sigui pa Splash y Dem Gyalz. Pa 4’or a hunga Martijn y Frasa, sigui pa Quick vs Sin Miedo, pa 7’or a hunga Kooyman vs. Vipers y pa 8.30 tabata tin e ultimo wega pa e dia aki entre Los Amigos vs Barber Boys. Diasabra tabata tin animacion di Zeta Band, mientras cu Diadomingo tabata tin animacion di Prive.
E weganan di Diadomingo a cuminza pa 10’or di mainta entre Salo Park vs Kibaima Total Cleaning a sigui despues e team di musicos contra CMB NCN Lions, Sluggers Connection vs Trendy Homes, Family Ranch y Bo Orguyo y Hitmen vs. Bo Cuenta. Tabata reina un tremendo ambiente caminda tur e teamnan a duna fuerte bataya.
