Dalmento cu palo debi na asunto di huur
ORANJESTAD (AAN): Den transcurso di diaranzon mainta, presencia di polis a worde solicita na un cas den Palm Beach. Parce segun informe suministra na polis un homber burachi tabata haci fastioso. Mientras tanto patruya di Noord a presenta na e cas y polis a atende e homber di inicialnan E de. L. S. di 52 aña di edad, naci na Filipinas/ Segun e Filipino el a discuti basta pisa cu e homber di inicialnan J.F. di 52 aña. E discusion na dado momento a sali for di man debi cu J.F. a bira agresivo y a dale e Filipino cu un pida palo.
Ora cu polis a puntra e Filipino kico a conduci cu a surgi problema, e contesta tabata cu e tabatin di haber cu pagamento di huur. Polis a bay papia cu J.F. y e agentenan a constata cu e tabata bebi.
A hala su atencion y a mustre riba e consecuencia. Ademas polis a splica tanto S. y F. nan derecho con y unda nan por acudi pa atende e asunto di huur. J.F. a comprende y el a laga sa di bay sosega curpa.
