Home Politica DECENCIA 2

DECENCIA 2

0
0
SHARE
- Advertisement -

Analisis politico

ORANJESTAD (AAN): Durante e dianan cu a pasa nos por a mira MEP actua manera MEP so sa haci.  Cu Booshi Wever na cabez tabatin den Staten un muestra di e nivel y e mentalidad di e dirigentenan di MEP. Manera nos a trece padilanti hopi biaha ta cu nos pueblo den eleccion a duna MEP un sota formal pero cu esaki lo no cambia e comportacion di e representantenan di e partido aki. Hopi ta esnan cu a carga e speranza cu e candidatonan nobo lo actua otro y lo trata di cambia e direccion di nan partido.

    Nada di esaki alcontrario nos ta ripara cu hasta tin di nan cu ta pio cu e bieunan. Cada biaha cu e hendenan di MEP ta ilustra kende nan ta nos ta corda e palabranan di difunto Tico Kock ex miembro di Staten di AVP cu na momento cu bo ta den e grupo di e dirigentenan di MEP bo tin e mesun mentalidad cu nan. Si no bo no por ta cu nan.

   Tin biaha bo por sconde e mentalidad aki pa un rato pero no ta dura y e ta sali na cla. Pesey nos ta keda enfatiza cu e problema di e mentalidad di MEP ta un problema di nos comunidad y cu ta exigi henter e comunidad pa pone un fin na e mentalidad aki. Ora cu tin un escandalo manera esun di siman pasa den Staten no ta e politiconan so ta worde mancha. Ta henter nos comunidad ta sufri bao di esaki.

    Nos a mira con pa ocho aña largo MEP a haci y deshaci y a pone Aruba den un crisis grandi financiero economico pero tamba un crisis di balor y respet. Pafo di Aruba nos tabata worde mira como un pueblo cu ta worde dirigi door di un grupo di criminal cu no ta worde para door di e comunidad mes. Y den nos comunidad nos tabata mira durante e ocho añanan cu a pasa  un cobardia di  un cantidad di instituto y organizacionnan.

    Nan cu mester carga un repsonsabilidad di yuda vigila e bienestar di nan miembronan  y di e comunidad den su totalidad tabata bira cara pa e desgracia di MEP. Tin di nan solamente pa cobardia y tin di nan pa nan propio interes a laga MEP desgracia nos pais. E mesun actitud nos ta mira awe atrobe. Un Booshi wever sosteni door di e miembronan di Staten di MEP ta causa nos isla un daño grandi y nos no ta tende ningun organizacion critica loke a sosode.

   Ora ta e dirigentenan di MEP ta destrui e imagen di nos pais  y nos pueblo diripiente dun cantidad di hende ta bira cara y haci manera nan no a tende ni mira. Esaki ta e peliger grandi pa nos futuro. Pasobra cu MEP ta asina nos sa pero cu un comuinidad drechi ta laga cosnan asina serio pasa sin reacciona ta un symtoma hopi negativo. Pasobra door di no reacciona ariba ofensanan asina grandi na henter nos sociedad ta mustra cu e mentalidad aki ta worde acepta y hastra mas leu ta worde sosteni.

   Ta un berguenza pa nos tur cu un hoben manera Andy Lee mester tuma su retiro como presidente di Staten pasobra e no por soporta e insulto y ofensanan di e miembronan di MEP. Un hoben cu bon manera y bon studia no por funciona como presidente di nos organo mas halto pasobra tin elementonan manera un Booshi cu ta dicidi cu ta na su manera grocero sin lo minimo di respet cosnan mester bay. Un biaha mas di MEP nos sa di e mentalidad aki pero no mag ta cu organizacionnan importante no ta reacciona condenando e actuacionan bochornoso di e miembronan di MEP den Staten.

   Esaki casi ta mas malo cu loke e MEPnan mes ta haci pasobra berdad nan no sa miho. Pero esnan cu si sa miho mester mustra mundo cu nan no ta di acuerdo cu e porkeria cu ta susha nos nomber. Nos gobierno nobo ta haciendo un tremendo trabao pa drecha nos nomber atrobe pero con ta bay splica cu na Aruba un hende desente no por ta presidente di e parlamento pasobra tin figuranan den Staten cu no ta permiti esey y e reaccionnan di e comunidad mes ta casi nihil. Nos ta un pueblo desente y pesey nos mester para pa esaki.

- Advertisement -

DUNA COMENTARIO

Please enter your comment!
Please enter your name here