Home General Den Caso Di Abuso Di Mucha, Mayornan Mes Mester Denuncia Loke A...

Den Caso Di Abuso Di Mucha, Mayornan Mes Mester Denuncia Loke A Pasa Cu Nan Yiu

2
0
SHARE
- Advertisement -

Segun psicologo Jeffrey di Carlo 

Mester cuminza educa nos yiunan pa nan cuminza papia

ORANJESTAD (AAN):  Jeffrey di Carlo den un entrevista cu DIARIO  a comenta un tiki riba e problema encuanto abuso di mucha.

   El a manifesta cu e ta hopi contento di e logro di Lisette Gomez di cambia e ley.   Danki na esey aworaki e pedofilnan ta wordo castiga y tin un castigo minimo pa nan.

       Den e caso cu ta ser papia actualmente caminda cu un meneer di school lo a comete actonan inmoral cu un alumno na Madiki, e profesional ta kere cu e denuncia mester worde duna door di e mayornan.  Nan mes como profesional no por haci mucho te ora un caso sosode.

   Loke ta mas preocupante ta cu e pueblo ainda no kier sali afo pa papia di e tema aki.  A enfatiza cu e tin tres aña caba ta puchando e tema aki padilanti y e no ta haya hopi acogida.

   Awor na 2010, a cuminza trece dilanti algun punto pero falta hopi ainda, a manifesta.  E ta kere cu autoridad mester tin man duro riba esaki pero nan como fundacion no por bay forza SKOA pa actua den e caso di e school na Madiki, ya cu e ta un organizacion priva.

   A sigui bisa cu si tin un ley pasa den parlamento por logra esaki pero nan ta bay purba pa wak kico nan mes como fundacion por haci. Sino nan ta bay manda un carta pa gobierno pa wak kico nan si por haci.

   E ta kere cu mayornan mester denuncia. Aunke cu despues resulta cu nada no a pasa mester laga ley dicidi esaki y no coy e asunto den nan mesun man pasobra e por pasa cu otro mucha tambe.

   “Nos por haci nada. Nos tin cu warda pa tur e hecho cu wordo cometi pa nos actua”. Pedofil no ta bay bisa bo. Ami ta un pedofil, mi ta bay haci esaki, a señala. E ta asina refina cu nos no ta ripara ken e ta.

   Mester cuminza educa nos yiunan pa nan cuminza papia y “danki Dios e mucha a papia” pa trece un denuncia.

   A agrega cu nan como fundacion ta bay papia cu e mayornan pa wak kico por haci pero un denuncia mester bin padilanti. 

- Advertisement -

DUNA COMENTARIO

Please enter your comment!
Please enter your name here