Dos Choller a actua rapido pa captura un stranhero ilegal
ORANJESTAD (AAN): E prome informe a drenta, indicando cu lo tin un ladron a worde gara den Havenstraat. Despues a haya informe extra, cu ta un stranhero ilegal a worde captura. Kende a efectua e captura? A resulta cu dos persona, conoci como “Choller”, a haci e trabao di autoridad.
Ora cu a bira conoci cu tin un ilegal canando den e area di Plaza Daniel Leo, y cu el a comete un of mas fechoria… no tabatin Polis den vecindario.
Sinembargo dos Choller pasando eybanda, a dicidi na drenta den accion. Canando pia abao, cu velocidad rapido, nan a logra yega y gara e ilegal. Nan a oblige na sinta riba un banki, y a pidi esnan eybanda pa usa nan celular y yama pa Polis.
E prome unidad cu a yega, tabata Visibility Team. Asina nan a bin “tuma over” di Chollernan, e stranhero kende a resulta di ta un Colombiano ilegal. Nan a bay cune, y pase pa Warda Nos Costa, cu lo sigui traha riba e detencion, y tambe posible deportacion di e isla.
Algo pret ta cu e Chollernan a cuminza bisa na voz halto, cu nan no tey den Playa djis pa haci “cos malo so”, sino cu nan tey pa yuda Polis tambe.
Whatever
Hey, at least the chollers did something about it ! here you have live evidence that these people are still slipping in.
The Saint
Hallo awo e choller nan aki a haci algo bon nan ta habja un recopensa? Mi ta hanja cu nan por wel hiba nan come algo den un restaurant pa nan bon trabow toch !!!!!!!! pasobra sin no pa nan e homber ladron i e ilegal aki no a wordo kita foi ariba caminda unda e ta comete su crimilidad nan.
Dus come one gobierno di ARUBA pone e hendenan aki in het zonnetje !!!!!!!!!