Home General Dos razzia na Hulanda relaciona cu caso di extorsion contra Joran van...

Dos razzia na Hulanda relaciona cu caso di extorsion contra Joran van der Sloot

0
2
SHARE
- Advertisement -

joranterrorAMSTERDAM – Na Hulanda Nationiale Recherche a tene dos ‘razzia’ na dos diferente lugar na Hulanda, relaciona cu e caso di extorsion di cual e Mericanonan ta acusa Joran van der Sloot.
Joran lo tabata exigi placa for di famia di Natalee, a cambio di laga nan sa unda e curpa di Natalee ta.. Asina Landelijke Parket na Hulanda a bisa den un comunicado cu nan a emiti Diabierna merdia na Hulanda. Nan lo a drenta na cas di dos amigo di Joran cu lo ta envolvi cu e caso aki.
E comunicado di prensa ta bisa cu riba peticion di husticia Mericano, Nationale Recherche den marduga a listra dos cas na Hulshorst y Valkenburg.
Eynan nan a confisca un cantidad di computer, celular y memory stick.
Na Alabama, e Hulandes di 22 aña Diahuebs a wordo acusa pues di extorsion.
Segun husticia Mericano, van der Sloot a purba di haya 250.000 dollar di Beth Twitty, mama di Natalee Holloway, a cambio informacion riba paradero di Natalee.
Informacion for di Hulanda ta mustra a listra entre otro na cas di Jaap Amesz, mihor conoci como ‘Terror Jaap’, kende tin un programa di television na Hulanda y ta amigo di poker di Joran.

Algun tempo pasa Joran lo a duna un declaracion bisando cu ta for di balcon di un cas Natalee a cai muri. Ta wordo sospecha cu Terror Jaap a yuda Joran den su intentonan di extorsion.

- Advertisement -

2 COMMENTS

  1. Jaap Amesz aka Terror Jaap y Joran van der Sloot ta tal para cual.
    Jaap a participa den un programma Hulandes
    “De Gouden Kooi”. Ela Sali como ganador
    (of ganjador?). Televidente nan por a bel y vota riba un kandidato. Jaap den ultimo ora a bisa cu si e gana e lo dona mitar di e premio
    (cual tabata 1 miljon euro) na un bon causa.
    Hendenan a vota massaal pe y Jaap a gana. Ora a entreviste y a puntre cual bon causa ta esun cu lo hanja € 500.000,00 e la bisa nan cu esey lo ta Stiching Jaap. Cu otro palabra niun bon causa lo hanja net nada. Ela ganja pueblo pa enriquese su mes. Esaki ta un acto di sinberguensa. Esaki ta acto di Jaap Amesz aka Terror Jaap.

DUNA COMENTARIO

Please enter your comment!
Please enter your name here