Home Estilo DTI celebrando añanan di servicio di Morellys Koolman y Dominico Werleman

DTI celebrando añanan di servicio di Morellys Koolman y Dominico Werleman

5
0
SHARE
- Advertisement -

DTI Certificao (1)ORANJESTAD (AAN): Morellys Koolman Maduro a cumpli 31 aña di servicio den gobierno y actualmente trahando na DTI y Dominico Werleman a cumpli 30 aña den servicio di gobierno y ta director na DTI.

   Diabierna atardi na DTI tabata tin un celebracion pa dos motibo.  For di 1979 Morellys Koolman a cuminsa servicio di gobierno trahando na bali di biblioteca nacional.

   Di 1983 pa 1989 el a bay traha na Arubaanse Voorlichting, 1989 pa 1992 el a traha cu minister Rudy Croes den administracion. 1992 pa 2006 Morellys Koolman a traha na DOOV y Dina y despues te cu 2009 cu minister Rudy Croes den gobernacion di MEP.

   Desde aña 2009 e ta trahando na DTI. Minister mr drs Arthur Dowers a felicita personalmente Morellys na DTI y coleganan a sera placa pa un regalito tambe. Pa Dominico Werleman tambe minister Dowers a hiba palabra gradiciendo su persona pa e añanan brinda na servicio di gobierno.

   Desde 1980 Dominico Werleman a cuminsa como empleado publico ta haci inspeccion tecnico na DTI mes. Asina el a sigui su trayectoria den e departamento y desde 1995 pa 2005 e tabata director interino. Despues di 2005 el a keda nombra como director di e departamento DTI. Pabien na ambos empleado cu e celebracion aki.

- Advertisement -

DUNA COMENTARIO

Please enter your comment!
Please enter your name here