Home Deporte Entrevista cu hungador di futbol profesional di Hulanda Marlon Pereira

Entrevista cu hungador di futbol profesional di Hulanda Marlon Pereira

4
0
SHARE
- Advertisement -

DSC_0227ORANJESTAD (AAN)— Diario Deportivo a tene recientemente un entrevista cu un hoben hungador di futbol di e team Willem II di Hulanda, ta trata aki di e hoben Marlon Pereira di 23 aña kende actualmente ta na Aruba disfutando di su vacacion ya cu su mama ta original di Aruba.

  Marlon Pereira Freire a nace na Rotterdam, Hulanda dia 26 di Maart 1987.  Su mama ta Melva Vrolijk, di e bario di Cashero y su tata ta Louis Pereira Freire de Pina, original di Cabo Verde, el a conoce su tata mas mihor na Hulanda, e tin 5 ruman y tur ta bibando ainda na Hulanda.

  Marlon ta hungador di e team Willem II y esaki ta su di 4 temporada hungando cu e team.

  For di su 6 aña el a cuminsa hunga futbol, ora el a bai hunga pa Willem Twee, e tabata tin 20 aña hungando como amateur, esaki ta su di dos temporada hungando e play off den Ere Divisie, by the way e a hunga contra di Sparta y cu nan tabata tin suerte cu a gana Sparta, cu e resultado cu Sparta a cai afo di Ere Divisie y nan si a keda aden.  E team ta den e di 17 lugar di Ere Divisie.

  Marlon ta hunga como Medio-campista, e ta yuda den medio campo pero tambe den e defensa.

  E tabata tin e oportunidad di mira e weganan di Play off cu ta andando actualmente y nos a puntre kico tabata su opinion compara e futbol hulandes cu di Aruba, e ta di opinion cu nivel di futbol di Ere Divisie di Hulanda ta hopi mas halto cu di Aruba, Ere Divisie ta mas pisa cu lo cual cu ela mira aki na Aruba, p.e, e training ta mas pisa pa mensiona algun punto.  Tambe a indica cu ta increibel pa mira cu den Hoofd Klas e hungadornan ta scop otro manera nada y e referee no ta hasi nada, na Hulanda esaki ta un carchi corra di biaha y sin pensa.

  Pa lo cual ta trata e diferencia entre e hungador arubano y e hulandes, na lo cual ela splica cu e mentalidad di e hubentud arubano ta otro cu di Hulanda,  den e caso di Aruba e club mester traha e hungador, siñe e deporte, pero na Hulanda ta diferente pasobra e clubnan practicamente ta scohe e hungadornan ya cu nan ta prepara caba door cu e hobennan ta atende scolnan di futbol caminda nan ta haya un preparacion formal den e deporte y ora nan caba nan ta hasi pruebanan pa diferente club na Hulanda.  Disciplina ta hopi importante, e trainingnan ta 6 biaha pa siman pero tambe e hungadornan ta wordo paga y pa e motibo aki ta hopi dificil pa compara nivelnan entre Aruba y Hulanda voraal pa motibo cu Aruba ta un isla chikito y naturalmente Hulanda ta mas grandi.

  Pa un hungador di Aruba bai Hulanda pa hunga, ta un proceso di adaptacion hopi dificil ya cu kizas aki na Aruba e tabata un bon hungador pa e nivel di Aruba pero na Hulanda, e mester esforza hopi mas.  Lo ta bon si pa busca e oportunidad pa nos hungadornan por bai Hulanda pa mira e nivel, e training y tur e procesonan aki pa nan por tin un mihor conocemento di lo cual nan ta bai hasi na Aruba y aplica e conocementonan aki.

  Tambe nos a puntra Marlon ariba su espectativa di e seleccion di Hulanda den Mundial di Futbol na lo cual ela indica cu e nivel di e hungadornan di Seleccion hulandes ta hopi halto y e ta kere cu Hulanda lo bai yega leu den e Mundial aki.  Tambe nos a puntra Marlon si e ta kere cu e lo bin Aruba pa hunga futbol, pero e no ta kere cu esei lo bai ta posibel por lo pronto pero kizas si algun dia e lo bin biba aki e ora ey e lo bai considera esaki, personalmente e ta kere cu e lo prefera di keda hunga na Hulanda of Europa.  Na Hulanda cada hungador tin un contract di pago cu e club, pero aki na Aruba tin hungadornan cu no ta wordo paga.

  Den Willem Twee, ela cuminsa entrenando 2 biaha pa siman pero awor e ta entrena 6 biaha pa siman y e ta custuma cu e sistema aki, e semper ta na ora y e ta duna 100% na su entrenamento.

  Nos a pidi Marlon pa duna un mensahe na e hubentud di Aruba, na lo cual ela bisa cu si abo como hoben tin un soño y bo kier bai dilanti, sabi cu bo tin cu traha p’e ya cu niun hende lo bai hasie pa bo.  Ami semper tabata tin e aspiracion pa bira un profesional den Futbol y mi a logre, bo mester kere den bo mes y bringa pa bo logra bo soño.

  Dia 27 di Juni e tin cu bai entrena bek na Hulanda pero aki na Aruba den su vacantie, e ta entrenando condicion, cardio, preparando su mes pa e campeonato.  Diario Deportivo kier a gradici Marlon pa e bishita y e oportunidad cu el a brinda nos pa conversa cu su persona.

- Advertisement -

DUNA COMENTARIO

Please enter your comment!
Please enter your name here