Home General Ex-Chick A Mustra Cu Antes Joran Tabata “Asombroso Y Romantico”

Ex-Chick A Mustra Cu Antes Joran Tabata “Asombroso Y Romantico”

0
0
SHARE
- Advertisement -

Mama di Joran ta insisti cu e no ta asesino!

ORANJESTAD (AAN): E programa popular di ABC News, esta “20/20” a haci entrevista cu Melody Granadillo, como cu den pasado e tabata e ‘chick’ di Joran van der Sloot, y cu e tin ainda un dagboek for di e epoca ey.

   Siete aña pasa, nan tabata novio y novia, cual a dura siete luna.

   “He was incredible,” ta loke Melody a bisa den un entrevista cu 20/20.  E periodista Chris Cuomo a haya sa, con e Joran di antes tabata full un otro persona compara cu loke awor mundo conoce.

  Melody a indica cu Joran a manda pidie placa, via SMS, esta $200 pa asina e sali for di Peru!  Ta unda tur e placa a bay anto?  Segun Melody, Joran a cuminza gamble masha hopi mes.

   Segun Melody, e ta kere cu si acaso nan a keda hunto, kizas Joran lo no a bay den direccion robez.  El a mira con Joran a cambia, aunke e mes conoce como un “otro persona”.

   Chris Cuomo tin e dagboek cune awor na New York.

   Ademas, e mama di Joran van der Sloot, esta Anita, tambe a manda un e-mail pa Melody, den cual e ta mustra cu keto bay e ta kere cu su yiu homber ta inocente.  Aki e ta insisti cu Joran “no ta un asesino”.

   Publicamente Anita no a papia desde cu su yiu a worde aresta na Peru.  Pero ABC News a haya e e-mail aki.

   Den esaki, e ta splica cu e no ta duna ningun medio di prensa Mericano un entrevista, pasobra e no ta confia nan.  E ta pidi Melody pa keda safe y haci oracion pa Joran.  E ta bisa cu e no ta e monster cu nan kier pa mundo mira.  E ta kere cu Joran ta traumatiza, deprimi, y tin un adiccion.  E no ta un asesino.  Cos ta hole y e ta haya cu ta un complot a worde traha pe.

   Complot?  Mientras cu Joran a duna un detaye extenso na Polis Peruano di loke el a haci cu Stephany, con el a choke pa 1 minuut largo, y tambe con el a tapa su cara cu su mesun Poloshirt, pa e stop di hala rosea.  Awe DIARIO ta publica esaki completo, pa asina kizas e Mama tambe lesa cu no tin ningun tipo di complot aki.  Wake up and smell the roses!  Si sigui asina, no solamente e famia ta bay te na suela… sino ARUBA un biaha mas lo cay drasticamente.  Atrobe famia Van der Sloot lo ta responsable?  Cuanto Arubiano tin di perde trabao un biaha mas?

 

- Advertisement -

DUNA COMENTARIO

Please enter your comment!
Please enter your name here