Home General FBI ta na aruba y tin un investigacion andando

FBI ta na aruba y tin un investigacion andando

1
0
SHARE
- Advertisement -

Minister Dowers:

Na e momentonan aki no tin ningun cooperacion ni peticion haci!

ORANJESTAD (AAN): Minister di Husticia Arthur Dowers ta confirma cu FBI ta na Aruba. El a laga sa cu tin un investigacion andando y e no por divulga detayenan di esaki.

  A lamenta cu den media a sali mas informacion cu loke tabata necesario.  Media internacional tambe a duna di conoce cu tabata tin un caso caminda cu tin cooperacion estrecho entre Ministerio Publico, Cuerpo Policial di Aruba y FBI pa loke ta trata Joran Van der Sloot.

   Segun e minister, na e momentonan aki no tin cooperacion  y no tin ningun peticion. Loke si a ser palabra ta cu si un dado momento bin cualkier desaroyo nobo riba e caso aki tin un persona encarga na Ministerio Publico cu lo duna tur detaye pa loke ta trata contenido di e casonan y lo canaliza esey via di Ministerio Publico, a enfatiza.

    E mandatario a sigui bisa cu na momento cu esey bin Ministerio Publico lo atende cune y nan lo duna informacion riba dje tambe.

     Banda di esaki a bisa cu no ta asina cu den casonan penal, gobierno tin un rol specifico pa hunga.

   Na momento cu bin cualkier peticion pa ayudo den casonan hudicial, e tin su caminda cu e ta cana normalmente y esey semper Aruba como pais cu ta coopera internacionalmente riba tur tipo di investigacion, e ta wordo encamina via di Cuerpo Policial y via di Ministerio Publico, a indica.

- Advertisement -

DUNA COMENTARIO

Please enter your comment!
Please enter your name here