Home General HI-WINDS 2010 den full preparacion

HI-WINDS 2010 den full preparacion

0
0
SHARE
- Advertisement -

Dia 30 di Juni te cu dia 5 di Juli na the Fisherman’s Huts

Aruba_Hi-Winds_poster_small_2010ORANJESTAD (AAN): Hopi sponsor, boluntarionan entusiastico y un programa yen cu diferente banda musical, modeshow, beach tennis y e happy hour tradicional di Amstel.

   “Nos a hasta pensa ariba un screen grandi pa transmission di e campeonatonan mondial di futbol,” Maartje Dolfing ta conta. E aña aki e ta coordina e di 24 Aruba Hi-Winds, hunto cu e organizing committee Wim y Frank Eelens, Evert Bongers, Ron Henriquez y Marin Bijl.

   Diaranzon atardi, dia 30 di Juni, apertura official di Aruba Hi-Winds 2010 ta tuma lugar cu inscripcion. E organizacion ta spera cu atrobe mas cu cien participante pa kite- y windsurf lo inscribi.  Esun cu no kier participa den e competencianan, por cumpra un “party pass” pa participa den tur e otro actividadnan, lunch y dinner.

   E prome competencianan lo tuma lugar riba diahuebs dia 1 di Juli. E windsurfernan ta pusta na banda di the Huts y e kitesurfernan ta combati otro den e olanan espectacular na Boca Grandi. Atardi tin lunch riba beach y anochi tur e participantenan ta bin hunto pa un dinner on the beach na Divi Hotel.

   Diabierna atardi, despues di e competencianan, tin un workshop capoeira pa Aba da Capoeira for di 3.30 pm. Despues e fin di siman ta yega cu DJ Jason y DJ Theo.

   Cool Fm ta ‘live on the beach’ diasabra y diadomingo atardi. Bula ta organiza un otro modeshow, Sparetime un competencia di bodypaint y tin un workshop di Zumba y un competencia di Jerk Dance. Despues di sunset e kitesurfernan ta organiza tur dos anochi un Night Riders Show.

   Diadominga atardi e participantenan di windsurf ta bay freestyle pa e titulo maximo di the King y the Prince of the Huts. Dialuna dia 5 di juli tin e ultimo competencianan. Entrega di premionan lo tuma lugar 7.30 PM na Paseo Herencia.

   Maartje Dolfing: “Nos ta full prepara! Awor falta bon tempo so. Ora nos tambe ta haya hopi publico pa disfruta tur e accion, e bon ambiente y e competencianan, e Aruba Hi-Winds di e aña aki tambe lo bira un exito grandi!”

- Advertisement -

DUNA COMENTARIO

Please enter your comment!
Please enter your name here