Homber a menaza di mata su mama y amigo di mama
ORANJESTAD.(AAN):Na Seroe Blanco tin persona cu mester di yudanza segun informe suministra na polis a menciona. Patruya a presenta na e direccion y ta atende e señora di inicialnan E.A. di 47 aña. El a bisa cu su yiu homber B.A. cu na e momento ey ta den Bislip straat lo a menase., pero E.A. no ta desea di entrega keho, pero si ta desea pa polis papia cu su yiu homber. E señora a bisa cu motibo di problema ta cu e tin relacion cu mihor amigo di su yiu homber.
Despues cu polis a scucha e versionnan na a bay busca e mucha homber den e caya menciona pero e no tabata tey y a bay e ora ey na un cas den Rooi Hundo.
Aki tampoco e tabata presente y finalmente a yame via su celular. E yiu homber segun e version policial tabata masha emocional, y e no kier a mustra comprension.
El a bisa polis unda e haya e homber e lo bati’e y si su mama defende e homber e lo mata mama tambe “locual tin cu pasa lo pasa, el a agrega finalmente.
