Homber Hulandes a busca y a haya
ORANJESTAD (AAN): Tabata 5’or y 30 di mainta diahuebs cu patruya di San Nicolas tabata pasando den Captain Robert Rodgersstraat y nan ta worde para pa un homber. Tabata trata di un homber Hulandes di inicialnan R.P. di 29 aña. E hulandes a splica polis cu el a worde maltrata pa un homber color scur bisti cu camisa blanco. Tambe dos muher cu e homber en cuestion tabata tin como compañante, a worde maltrata. Polis despues di a scucha e version a drenta den e localidad y agentenan a papia cu e doño. Segun e doño R.P. a drenta den VIP room y a cera esaki na lock.
Pa medio di bentana a ordena e homber pa habri e porta pero na lugar di cumpli cu esaki, e Hulandes a dal e doño wanta den cara. Ta un di e bailarina nan a dicidi di habri porta y aki e doño a gara e R.P. y a pone su cabez na waterpas.
R.P. a bisa di a haya golpi na wowo banda drechi minetras e doño tambe tabata keha di dolor.
Tambe e homber hulandes a bisa polis cu segun e tabata tin algun guardia cu tambe a atende fisicamente.
Polis a avisa esnan envolvi pa nan bay poli y despues pasa na despacho di Recherche entrega keho oficialmente, a base di e informe medico.
