Ilegal tras di stuur a causa accidente serio
ORANJESTAD (AAN): Coriendo Diaranzon atardi den un Toyota Corolla color beige cu number A-24825, un chofer stranhero moviendo riba Weststraat a yega na e cruzada cu Profesor Lorentszstraat. Aki el a djis yega y pasa, sin duna preferencia, ni nada! Net e momento ey, un Toyota Tercel color blauw cu number A-29038 tabata bayendo pariba, y e dama tras di stuur claro no por a reacciona mas. Nan dos a dal fuertemente den otro.
E Corolla a bay pega den cura di cas, y e Tercel a bay panort keda riba acera den Weststraat.
Pa sorpresa di tur hende, diripiente e portanan di e Corolla a habri, y e dos stranhero a cuminza core bay pabao y desaparece. Nan a baha na awa, pero hendenan spierto a mira nan, y via celular a keda duna Polis informacion.
Asina autoridad a core yega, y gara nan banda di ex-Oficina di Impuesto, y a keda deteni. Uno di nan tabata lomba sunu.
Mientras tanto, dos unidad di Ambulans a yega pa asina atende e personanan cu a keda herida den e Toyota Corolla.
Ta trata di un dama tras di stuur, y un mucha muher chikito, kende a haya basta golpi na su curpa, y corta na su cara, y garganta.
Paramediconan a duna nan trato di emergencia eynan mes, y cu rapidez a hiba nan Hospital pa trato y examen extra.
Whatever
As I pointed out before, what happened to the razzia’s that we use to have ? they are still slipping in by the dozens under your very noses.