Home General Irwin And Nancy Kirschenbaum A Worde Reconoci Como Huesped Nan Distingui Pa...

Irwin And Nancy Kirschenbaum A Worde Reconoci Como Huesped Nan Distingui Pa Aruba

2
0
SHARE
- Advertisement -

“E pareha ta totalmente enamora di Aruba muy en especial Señora Nancy”

marriott_102ORANJESTAD (AAN) Recientemente Aruba Tourism Authority tabata tin a grato honor pa honra un pareha cu ta simplemente enamora di nos isla y cu cada aña ta bolbe back pa pasa algun dia hunto y disfruta di tur e cosnan bunita cu Aruba tin pa ofrece y semper ta hospeda na e prestigioso Marriott Aruba Resort. A pesar cu Señora Nancy tin un situación delicado, esaki no a stop e pareha pa bolbe back Aruba.

   Pero e biaha aki nan a invita henter nan famia, esta nan dos yiu muher nan, nan suegronan y mas cu claro nan nieta y nieto baby pa bin y pasa algun dia placentero na nos isla.

  Durante e ceremonia, Señora Nathalie Maduro, Educational Manager pa Aruba Tourism Authority a duna un bunita discurso na e pareha y nan famia, den nomber di Gobierno y Aruba Tourism Authority pa tur e sosten cu nan a sa di duna na Aruba su turismo. ”Nos sa cu tin hopi otro isla den Caribe cu boso por a escohe y toch pa 11 aña largo boso haci di nos dushi Aruba, boso di segundo kas y awe nos kier demostra na boso nos aprecio y gratitud”, Señora Maduro a expresa.

E tabata un momento di hopi emocionante pa Señora Nancy kende a worde sorprendi cu e reconocimento aki e dia mainta aki y tambe pa Sr. Irwin, kende a keda sumamente contento cu nan a worde honra cu e titulo di Huesped Distingui pa e isla di Aruba.

  “Mi ta stima Aruba y mi no kier bay back, mi kier just keda aki nan” tabata e palabranan di Señora Nancy na momento cu el a ricibi su certificado. Na su turno, Señora Bresovar, Director of Operations pa e hotel tambe a gradici e pareha y a expresa na e pareha cu Marriott su porta nan semper lo ta habri pa nan.

  Tanto e pareha como nan familiares nan a keda hopi contento cu e reconocimento aki. Un pabien na henter e staff y personal di Marriott Aruba pa e tremendo trabao cu nan ta eherciendo na bienestar di Aruba su turismo y tambe na e pareha Kirschenbaum cu e reconocimento aki y nos ta spera di wak Sr. Irwin y Señora Nancy back pronto na Aruba.

- Advertisement -

DUNA COMENTARIO

Please enter your comment!
Please enter your name here