Home General Joran van der Sloot a wordo poni den prison di maximo seguridad

Joran van der Sloot a wordo poni den prison di maximo seguridad

1
1
SHARE
- Advertisement -

j1ORANJESTAD (AAN):  Ayeratardi,  na Peru, Joran van der Sloot a ser dirigi na e prision di maximo seguridad Miguel Castro Castro ubica den e distrito di San Juan de Lurigancho, unda e lo cumpli prison pa e asesinato di e peruano Stephany Flores.

   Mey mey di seguridad policial estricto y rondona di periodistanan,  Joran a sali for di e warda di e Poder Hudicial, ubica na e centro di Lima te na e centro penitenciario Castro Castro.

   Pafo di e warda tabata tin un aglomeracion di hende cu a insulta Joran y tabata yame pa “Extranjero Asesino”. Nan tambe a purba agredi’e.

    Segun informacion,  Joran Van der Sloot lo wordo huzga como e autor di e delito di homicidio califica y contra e patrimonio den modalidad di hurto simple contra di Stephany Flores Ramirez.

   Segun e denuncia fiscal,  Van der Sloot  ta acusa di a mata Flores y esaki ta mas grave ainda pasobra el a actua cu ferocidad y gran crueldad contra di e victima.

   Di acuerdo cu ley peruano, e delitonan aki ta wordo castiga cu penanan di entre 15 y 35 aña di prison.

   Na otro banda ta ser informa cu e denuncia cu polis di Peru a haci contra van der Sloot ta contene mas di 500 pagina.

  Den e documentonan tin detaye di e actuacion di polis, esta e agentenan di e seccion di homicidio di Divincri, kendenan tabata tin encargo di e caso aki.  Na esaki a agrega e declaracion di Joran na Chile y esun di Peru na unda el a confesa su crimen.

   Den e conclusion tin e delitonan di homicidio califica y hortamento agrava na raiz di e hecho aki.

- Advertisement -

1 COMMENT

DUNA COMENTARIO

Please enter your comment!
Please enter your name here