King of the Mat Submission Tournament organiza pa AMMA Foundation
ORANJESTAD (AAN)— Aruba Mixed Martial Artrs Foundation (AMMA Foundation) ta e prome fundacion oficial di Mix Martial Arts cu orguyosamente ta presenta King of the Mat Submission Tournament, esaki lo bai tuma lugar ariba Diasabra 3 di Juli 2010. E mision poni pa AMMA Foundation ta pa crea un ambiente cual atletanan nacional di arte marcial di diferente background por participa hunto y desaroya nan habilidadnan den un competencia di nivel mientras cu na mes momento ta crea un concientizacion naciona di e deporte aki riba nos isla. E evento aki ta diseña pa trece atletanan di arte marcial di diferente tipo, p.e, Jiu Jitsu, Submission wrestling, Grappling, Sombo, Judo y mas.
E torneo ariba su mes ta basa den un proceso di eliminacion den cual cada atleta, categorisa den division segun peso, lo demostra nan habilidad pa establece control di nan oponente cu e unico intento pa somete y a la vez aplica tecnicanan adkiri durante nan entrenamento marcial riguroso.
E unico manera pa Sali victorioso lo ta door di un rendimento verval (surrender) of via tik for di e oponente. Cada enfrentamento lo consisti di un round di 7 minuut y n regla di dos minuut di tempo extra lo wordo aplica den caso di empate.
Premionan lo wordo entrega na e campeonnan di e siguiente divisionnan segun peso: Lightweight, Welterweight, Middleweight, Light Heavyweight, Heavy Weight y Open Class. Premionan como Bonus lo wordo considera pa: Submission of the night, Dual Champion (campeon den dos of mas division) y Most Outstanding Team.
