Home Deporte La Fama a gana Bubali 3-0

La Fama a gana Bubali 3-0

2
0
SHARE
- Advertisement -

futb1ORANJESTAD (AAN)— Diasabra ultimo na Stadion Guillermo Trinidad a tuma lugar e encuentro di Futbol entre Bubali contra La Fama. Un wega cu pa hopi fanatico tabata un sorpresa. La Fama a bin topa cu un Bubali un poco confia di su mes, unda cu Bubali a mantene su mes trankilo durante e prome mitar di e wega, sin embargo manera nos a pronostica diabierna ultimo, La Fama lo bin busca nan vengansa, un victoria todo por todo y esaki ta lo cual nan a logra den e wega di Diasabra ultimo ganando Bubali 3-0. Stadion Guillermo Trinidad tabata basta yen cu fanaticonan di Bubali pero no asina di La Fama.
Na di 33 minuut di e wega, La Fama cu a bin ta hunga basta ofensivo, a logra score su prome gol door di I. Gijsbertha, y e resto di e prome tempo a finalisa cu score di 1-0 pa La Fama.
E di dos tempo a cuminsa y por a mira un Bubali cu no mucho cambio den su sistema di wega aunke si den su alineacion.

Na di 63 minuut di e wega, R. Lodowica a score e di dos gol pa La Fama y net 5 minuut despues Lodowica atrobe ta manda e bala den net di Bubali un biaha mas pa manda e score na 3-0 pa Bubali.

Bubali durante e dos mitar di e wega a haya su mes den un posicion hopi preta ora cu e referee Villar a saca carchi corra pa e hungador L. Tromp di Bubali, lo cual a debilita Bubali ainda mas, esaki a sosode na di 52 minuut di e wega.

E pitaso final a sona y e wega a caba cu score di 3-0 pa La Fama, un fanaticada di Bubali cu tabata mustra basta rabia cu loke nan a mira riba cancha.

E score aki sigur a mehora e posicion di La Fama, te asina leu, Britannia y Bubali tabata na cabes cu 9 punto, Bubali cu 6 punto, La Fama cu 4 y Estrella cu 3 punto.

Awe Dialuna lo bai tin dobel encuentro tanto na Stadion Frans Figaroa como na Stadion Guillermo Trinidad, ambos wega programa pa 8’or di anochi. Na Frans Figaroa lo tin e encuentro entre Bubali vs Britannia y na Stadion Guillermo Trinidad lo tin e encuentro entre Estrella vs La Fama, y e accion dobel ta continua Diaranson awor tambe pa 8’or di anochi, cu e weganan di final di e di dos round di e semi final, na Stadion Frans Figaroa lo bai enfrenta La Fama contra Britannia y na Stadion Guillermo Trinidad lo enfrenta Estrella contra Bubali. No perde e tremendo weganan aki.

- Advertisement -

DUNA COMENTARIO

Please enter your comment!
Please enter your name here