Lo bay sacudi Ministro Dowers riba e apenas mey miyon Florin poni riba presupuesto
Reclamonan for di mundo di enseñanza….
ORANJESTAD (AAN): Diabierna awor cu ta bay trata e presupuesto di Ministro Dowers relaciona cu Enseñanza, por pronostica di awor caba cu hopi hende lo bay scucha su defensa, di con aparentemente ta solamente 500.000 Florin so a pone riba presupuesto pa “renovacion di schoolnan”. E suma aki ta hopi abao, y ya caba por a tende reclamo di esnan den Enseñanza, kendenan no por compronde con AVP por a bin cu e suma abao aki. Pasobra hecho ta cu ta masha hopi school mes a keda “den estado decai” durante Gobierno di MEP. Pues awor por fabor, ban haci algo pa drecha e schoolnan.
Gobierno por a pasa check mes pa wak con algun school a sufri di masha hopi leak di awa, siman pasa ora cu tabatin yobida fuerte riba e isla. Anto e suma di 500.000 Florin lo no yega ni pa cambia dak pa un solo school.
Sinembargo, e speranza tey cu Ministro Dowers lo sa di duna un bon splicacion encuanto e suma presupuesta pa e trabao aki.
