Lo Instala Directiva Di Fundacion Bienestar General Di Pacient
Fundacion CAS
ORANJESTAD (AAN)* Actualmente ta hopi den discussion nos cuido general di salud na unda cu segun nos Codigo Civil nobo, e pacient tin derechonan cu te ainda stakeholders riba e tereno aki no ta tene cuenta cune.
Entre otro e Guerra frieu entre asociacion di Docternan di Cas, tin cu e Assosacion di Specialistanan pa un powerplay cu por tin consecuencianan pa e pacient mirando cu e pacient tin e derecho di escogencia. Ademas cada un tin su rol dentro di e sistema di nos cuido medico general, un specialista a studia mas tempo den su ramo y mester por evalua pa su mes, si e pacient worde referi na otro specialistanan.
Esaki den cuadro cu e docter di cas ta esun prome pa evalua e pacient y ora cu e referi e pacient pa specialista, automaticamente el a pone e cuido medico di su pacient den man di e specialista kende cu door di testnan por a sali na cla cu e pacient ta sufri di un enfermedad adicional of diferente cu e prome evaluacion di e docter di cas. E specialista den su capacidad di studio specialisa por evalua miho cu e docter di cas den esaki.
Pues e no mester ta asina cu ta docter di cas so por referi e pacient na un otro specialista cu ta cuadra tambe cu remarkenan di Premier Mike Eman pa traha den team di diferente specialismo, e espirito di teamwork afterall ta contribui asina na eficiencia di trabao dentro di nos sistema di salud publico. Varios docter di cas no kier duna e asina yama verwijsbrief pa bay un specialista y aki cosnan por bay hopi fout. Esaki pa motibo cu e tempo di espera cerca cierto dokternan di cas a yega 6 siman y cerca specialistanan algun luna.
Pues esaki no ta nada beneficioso pa e pacient mirando cu momento cu e ta sinti cierto sintoma e tin cu warda asina hopi tempo pa e por worde atendi cu por conduci na empeoramento di e enfermedad. For di pasado caba e cuido medico general tabata worde cuestiona pa de-eficiencia di su funcionamento.
E derecho di pacient no ta worde honra pa loke ta suministracion di informacion. Den exterior e pacient ta worde debidamente informa di tur loke ta pasando cune y aki na Aruba e pacient tin cu puntra pa haya sa y si e puntra di m as e ta pone e docternan ofende y rabia, na unda cu e docternan ta ignora cu via internet hopi informacionnan valioso ta available.
Pues un manera anticua y de-eficiente pa trata cu pacient. Cu gobierno y parlamento ta riba mesun linea pa shift e cuido medico curativo pa uno preventivo ta algo hopi positivo mirando cu no por sigui hinca placa den un sistema di cuido medico de-eficiente.
Un sugerencia ta pa tur asegurado di AZV haci un general test anualmente, na unda cu na un forma preventivo ta mira e condicion di e pacient cu kisas no ta sinti ningun tipo di sintoma ainda y cu por worde trata pa su docter di cas cu ta construi na baha gastonan medico.
Den e maneho nobo di cuido di salud general aki mester tin espacio pa reconoce y respeta e derecho di e pacient, cu mester worde integra den e cuido medico general diariamente na Aruba.
Proximamente e Sociale Raad lo keda instala bao di auspicio di Fundacion CAS, na unda cu persona cu diferente background lo forma parti di esaki. E funccion di e Conseho di Supervision Social aki ta parti di Fundacion Bienestar General di Pacient, B.G.P. cu lo salvaguardia derecho di pacient, combati discriminacion den e derecho pa haya cuido general di salud, cu pacient tin mas di bisa pa cu su cuido y cu ta tene cuenta debido di esaki pa e docternan y otro cuidonan, dunamento optimal y debido di informacion, trata kehonan di pacient como intermediario, cu informacion, orientacion, concientisacion y guia.
Tambe lo promove calidad y cortesia di nos sistema di salud publico door di influencia e maneho di e diferente asociacion di docter, aseguronan y gobierno.
Lo traha encooperacion cu otro grupo of instancia cu ta traha na benificio di derecho di pacient na unda cu lo afilia cu diferente grupo, asociacionnan internacional encuanto derecho di pacient y protégé e pacient di practicanan indebido di parti di docternan y tambe diferente instancia of negoshi cu kier impone servicio y producto na e pacient na forma indebido. Loke ta importante ta, pa concientisa e pacient riba un estilo di bida cu ta contribui na su salud y tur actividad relaciona cu esaki.
