Home General Manehadornan Di Quadracer Obligatoriamente Mester Usa Nan Helm

Manehadornan Di Quadracer Obligatoriamente Mester Usa Nan Helm

0
0
SHARE
- Advertisement -

Aworaki e ta un ley, segun Minister Dowers:

Seatbelt obligatorio pa muchanan bao di 12 aña riba sienta patras di auto!

ORANJESTAD (AAN):  Tin informacion cu tin un ley cu a worde pasa caminda tur hende cu ta core Quadracer mester bisti helm awor si. Esnan cu ta huur quadracer mester duna helm na tur manehador.

   Den entrevista cu Minister di Husticia, Arthur Dowers el a referi na e cambionan aki cu ta bin y a señala cu e ta un besluit cu ta wordo traha door di e minister. E mester a bay Raad van Advies y e ta cla aworaki.

   A enfatiza cu aworaki ta ley cu quadracer obligatoriamente lo mester usa nan helm. A agrega cu na e momento aki tin hende cu ta usa quadracer of cu ta verhuur quadracer y cu no ta dunando helm.

   E mandatario ta spera cu e mensahe bay hopi cla pa nan pasobra esaki a wordo anticipa y anuncia caba.  Ta di spera cu e personanan aki lo a percura pa duna helm na nan clientenan.

   Den e dianan cu ta sigui, a bisa,  lo bay duna un bez mas e informacion aki pa asina tur hende compronde cu esaki ta algo serio y cu ta bay tin consecuencianan pa esnan cu no ta us’e sino procesverbalnan ta bay cay.

    Esnan cu ta verhuur quadracer tambe ta bay mira e oportunidad pa actua contra nan si nan no ta cumpli of duna e informacion corecto na esnan cu ta huur cerca nan, a enfatiza.

 

MUCHANAN Y USO SEATBELT

 

    Banda di esaki ta bon pa menciona e parti di e seatbelt cual aworaki ta bira obligatorio pa muchanan bao di 12 aña riba e sienta patras di auto.  Na e momentonan aki automaticamente, ya cu tin peticion pa regla e parti di e “child seat”, e babynan y muchanan mas chikito tambe mester ta bon proteha den auto.

   A señala cu ta prohibi pa muchanan di menos di 12 aña sinta dilanti den auto. Ta mira regularmente personanan cu ta hiba muchanan riba nan scochi, cu ta hiba muchanan sinta dilanti den auto.  Tin autonan cu no tin un sienta patras y esey ta nifica cu un mucha bao di 12 aña no mag di core den e auto aki, a subraya.

    E ta spera cu e personanan cu tin e tipo di autonan aki of cu ta hiba mucha chikito den auto dilanti ta conciente cu e process verbalnan ta bay cay.

   E mandatario ta realiza cu hopi hende no kier tende y no kier siña. Nan ta lamenta si na momento cu algo a bay malo.

  Por ta si ta hisa e boetnan esey lo trece mas efecto riba e cartera cu nan lo bay siña, a manifesta.  E tipo di decisionnan aki ta wordo haci pa garantiza seguridad di tur esnan cu ta haci uso di nos careteranan.

   E minister ta haci un apelacion pa tur hende mantene nan mes na reglanan di trafico, coopera cu autoridadnan pa asina aki duna oportunidad pa bay traha riba otro tipo di cosnan cu aworaki mester bay dedica hopi atencion y inversion den e parti di trafico, a finaliza.

- Advertisement -

DUNA COMENTARIO

Please enter your comment!
Please enter your name here