Home General Maurice Neme a haya desgracia ayera

Maurice Neme a haya desgracia ayera

69
1
SHARE
- Advertisement -

ACCID_Maurice_neme_ (8)ORANJESTAD.(AAN): Ayera merdia riba Sasaki weg, chofer di un Honda color preto modelo Accord  , number A 7912, tabata bayendo direccion Noord y a pasa den un scual formal.

Na dado momento e mester a bira den e bocht pa bay sea direccion di hotelnan high rise of direccion Texaco pero  e vehiculo a dal den rand di acera y e auto a sigui pasa mey mey riba e rotonde.

Tera a bolter y e vehiculo a pasa despues riba un tronco, bay halto y bula casi over di e greppel y finalmente a auto a dal para.

Esnan cu a wak kico a pasa mesora a baha acerca e auto.

E vehiculo tabata pita y esun nan cu a yega na e vehiculo a habri porta di auto y a reconoce cu ta e conocido comerciante Maurice Neme.

Mientras e auto a sigui pita. poco huma tabata sali for di bao di capa di motor.

Un grupo di persona cu tambe a yega cerca a pone man na obra y  haci esfuerzo pa habri e capa di motor pa evita e motor di cende nan candela.

Nan a logra desconecta e bateria.

Mientras tanto a notifica central di polis solicitando tambe pa ambulans mirando condicion di e chofer.

Esnan cu conoce Maurice a papia cu e victima pa e comprende cu yudanza ta na caminda y pa e keda tranquil.

E tabata habri wowo y no a bisa nada cual e por a comprende .

Maurice Neme conoci como Morris, aparentemente  lo a bira malo tras di stuurwield cu e consecuencia riba menciona..

Paramedi conan a percura pa atende un herida tras di su cabez debi cu e lo a haya golpi durante cu e auto tabata pasando den scual. Despues nan a stabilisa e victima y a sake for di e auto pa asina transporte mesora  pa Horacio Oduber Hospital.

Mientras tanto a notifica su famia di e sucedido.

Su condicion segun informe ta stabil y ta desea Morris pronto recuperacion.

- Advertisement -

1 COMMENT

DUNA COMENTARIO

Please enter your comment!
Please enter your name here