Home General Minister a logra mas oportunidad pa aruba tambe riba tereno social...

Minister a logra mas oportunidad pa aruba tambe riba tereno social y cultural

0
0
SHARE
- Advertisement -

Durante su bishita na Washington:

ORANJESTAD (AAN)– Durante su viahe di trabao na Washington siman pasa, Minister di Economia, Asunto Social y Cultura, a bishita no solamente instancianan cu tin di haber cu economia, pero otronan  relaciona cu tereno cultural y social.

Minister Michelle Hooyboer- Winklaar a bin cu diferente documentacion, di por ehemplo

“US Department Adventurer Park Services”, “John F. Kennedy Center for Performance Arts”, entre otro, y ademas el a bishita otro school specializa den integracion di muchanan cu tin hopi talento den arte, pero cu tambe tin un inhabilidad sea di tipo intelectual of fisico.

Esaki ta institutonan cu ta ofrece otro sorto di enseñanza cu ta cay pafo di e educacion tradicional, segun e mandatario a splica.

El a haya hopi informacion for di nan, pero tambe nan ta hopi dispuesto pa bin Aruba sin cu lo costa nos pais ni un gasto, pero simplemente pa bin duna informacion akinan.

E mandatario a bisa cu e lo duna siguimento na esaki pa wak kico ta e siguiente paso, pa por habri porta pa haya hendenan cu tin experiencia den otro tipo di educacion, of riba aspecto cultural, unda cu Aruba por haci uso di e informacion cu nan tin.

E mandatario a specifica riba “US Department Adventurer Park Services” cu tin 400 parke nacional na Merca, y nan tin diferente programa pa hoben cu tin problemanan social, entre otro drop outs, etc., y nan ta registra nan den diferente sorto di programa intensivo, cu ta yuda nan sali for di e situacion cu nan tin y ta duna nan otro sorto di perspectiva cu ta hisa nan amor propio, unda nan ta haya disciplina cu e hobennan aki por para riba nan pia.

E management di e Park Services ta mas cu dispuesto pa bin Aruba, haci algun intercambio tanto na nivel di  trahadornan di Parke Arikok, pero tambe pa cera un acuerdo unda cu Aruba por haci un tipo di “join marketing”, door di cual e bishitantenan di nan parkenan na Merca lo haya sa di PNA.

Via esaki, segun e mandatario, Aruba por habri un porta pa otro tipo di turista, y tur esaki ta diferente oportunidad cu el a conoce na Washington, y pesey e ta sumamente contento cu e viahe di trabao aki.

E ta kere cu esaki ta e comienzo di hopi trabao cu e tin pa duna siguimento, y e lo continua cu e relacionnan cu el a establece ayanan, pa por yega na un resultado hopi fructifero y concreto.

- Advertisement -

DUNA COMENTARIO

Please enter your comment!
Please enter your name here